عمي الشيخ يدري؟!
انتهيا من إشعال النار فجلسا حولها يستمدان منها الدفء ويجهزان قهوتهما على ألسنتها:
زعل: اقول يا مشاري!
مشاري: قول يا زعل!
زعل: انت منت شايف احوال الديرة هاليومين؟
مشاري: وش بيها احوال الديرة؟
زعل: منت عايش بيها يا مهبول؟ ما تسمع عن سرقة الحلال اللي تصير كل يوم؟
مشاري: إيه بالله اسمع، ما غير ياخوك ما بي باليد حيلة!
زعل: وشلون عاد ما بي باليد حيلة وحنا عارفينهم واحد واحد؟
مشاري: حنا يخوك على باب الله…لا نحل ولا نربط! ما نقدر نساوي شي حتى لو مسكناهم مسك اليد!
زعل: قولتك…وش طالع بدينا! ماغير يخوك في شي محيرني بكل هالسالفة!
مشاري: ويش هو اللي محيرك؟
زعل: هقوتك ‘عمي الشيخ يدري’؟!