.”هيك هيك للتوجيهي”

[review]في كيس بلاستيكي مكتوب عليه "جرابات حمودة" وضعت كرمة العلي علبة "توفي من الزغار"..وتوجّهت إلى دار أبي يحيى..تجاهلت الجرس و دخلت من البوّابة المواربة "دوز – دغري" باتجاه بيت العيلة..أبو يحيى يجلس على إحدى الوسائد في يده إبرة محاولاًً إفراغ جرعة "الأنسولين" كاملة في العضل..رمت كرمة العلي "الباكور" على الفرشة القريبة ، ثم دحلت علبة "التوفي" أمامها وحاولت الهبوط بأمان على أول مكان للجلوس..قالت لاهثةً: " صبّحكوا بالخير!!" ردّ أبو يحيى التحية وهو يسحب الإبرة من العضل … مسحت جبينها في كفّها وسألته : " نجح الصبي"؟!!..فرد أبو يحيى.." ان كان أبوي بينجح هو بينجح"!!..أخرجت مسبحتها من جيبها وقالت مواسية : "لو يبطّلوا هالماخوذ بيريحوا هالناس" وتقصد التوجيهي..ثم شرعت بالتسبيح..في الغرفة الوسطى ، يضع شلاش يده خلف رأسه واليأس يشع من عينيه المسلّطتين في سقف الغرفة..بينما يجلس يحيى وعايش على "ركبة ونصّ " فوق رأسه في محاولة لتهدئته وتشجيعه برغم نتائجه المتواضعة..* يحيى:- ولا تهزّ بدنك..التوجيهي مش آخر الدنيا..لسه في دورة صيفية..* شلاش:- أنا تدمّرت!* يحيى:- ما عاش مين يدمّرك (هيك هيك للتوجيهي)..* عايش: شو يعني اذا ما نجحت بالثقافة الاسلامية ، بالفصل الثاني بتعوّض..* شلاش : انا تدمّرت!* يحيى: أما بالنسبة للرياضيات فكل اللي بدك إياهن 30علامة وبتنجح!* شلاش: أنا تدمّرت! * عايش: تهكلش هم الفيزياء ولا الانجليزي كل رأسمالهن 18 علامة.* شلاش: أنا تدمّرت!.* يحيى: (هيك هيك للتوجيهي)..يعني اذا ما زبّطتش بالعلوم الحياتية والثقافة العامة ..خربت الدنيا؟!..* شلاش: انا تدمّرت!! وفي صمت لحظي تسلل صوت كرمة العلي من الداخل وهي تخاطب ام يحيى:" همه لو يبطلوا الماخوذ بيريحوا هالناس" وتقصد بالماخوذ التوجيهي ايضا، ثم نصحت الأم الحزينة بعمل "جوز بيض عيون للصبي" لعلّه يفك ريقه ويخرج من شرنقة حزنه.. وثمة تعليق يشبه الغمغمة رد على اقتراح معالي كرمة العلي دون ان يعرف ماهيته…في هذه الأثناء عدّل شلاش من جلسته قليلاً ، وفرك وجهه بيديه وكأنه يستعيد قواه وسأل :* شلاش: محمّد الــ "فزّة" نجح؟؟!* يحيى: لأ "كوّع"!!.* شلاش: لعاد لويش "بكم" أبوه من الصبح ع زامور واحد؟…* عايش: المسكين علّق معاه الزامور وهو (ع الدوّار).* شلاش: (هيك هيك للتوجيهي). وبالتزامن مع صرير الباب الخارجي ، تسلل صوت كرمة العلي من جديد وهي تطلب من عيشه أن تناولها "علبة التوفي ما غيرها" قاصدة دار كراهب.."خابرة في عندهم توجيهي"!! احمد حسن الزعبيahmedalzoubi@hotmail.com