امي والكورونا

بسم الله الرحمن الرحيم
امي والكورونا
نهيل الشقران

– هاتي ايدك ابوسها يا أمي
– واصله يما ، دير بالك لا تصافح حدا ولا حتى انا
– ليش شو في ؟
– ما سمعت يا بنيي بالكورونا ؟ وانه لازم ما نصافح بعض ولا نبوس بعض
– بس انتي امي ، ولا خايفه اعديكي ؟ انا مش مريض
– انا خايفه عليك وعلى اخوتك وخواتك وابوك
– روحي فداكي يما ، العيشه بدونك ما الها قيمه اصلا
– عشان هيك يا بنيي لازم نحافظ على بعضنا ، ونغسل ايدينا بالصابون، وما نلامس شي مش معقم ، ونحافظ ع النظافه
– طيب انا جبتلك هديه ممكن توخذيها مني؟
– ممكن يا بنيي ليش لا ؟
– كل سنه ونتي سالمه يما
– ونت سالم يا حبيبي، الله يوفقك
واحلى هديه انك تظلك سالم انت واخوتك وخواتك وابوك، وتتبعوا تعليمات وزارة الصحه، لبين ما تعدي هالفترة ونخلص من هالهم.
– ان شاء الله يما بتعدي بهمة كل الاردنيين، وتعاونهم مع الوزارة ، وما يتجمعوا ولا ينشروا المرض
– الله يسمع منك يا بنيي ويرضى عليك
– يسعدك يما، وما يحرمنا منك
– ولا يحرمني منكم .
– سلام
– الله معك