إيد بإيد نحمي مجتمعنا
نهيل الشقران
– سمعت ابو صالح بللي صار
– شو صار ؟؟ مين مات ؟؟
– فال الله ولا فالك ما حدا مات بس الحكومة عطلت المدارس والجامعات والمعاهد والكليات
– بالله بتحكي جد ؟؟؟
– اه والله مالك تفاجات يا رجل
– تفاجأت ؟؟ ولك قولي انجلطت
– ول ليش يابن الحلال ؟
– ولك ما صدقنا عن الله وهي تيجي المدارس والجامعات وتضب لولاد ونرتاح من دوشتهم ، عالقليله كانوا يظلوا للعصر بالمدارس ويناموا بكير ، بس هسا رح يظلوا صايعين بالحارات والشوارع
– يابن الحلال عطلوهم عشان المرض هاض اللي بقولولوا كورونيا
– كورونا يا فهمانه
– اللي هو ، انا اللي بعرفه العطله عشان يخففوا الاختلاط ويمنعوا انتشار المرض
لأنه اذا واحد بالمدرسه صابه المرض بعدي الف طالب وكل طالب بعدي اهله واهله بعدوا الجيران وساعتها هات قطبها
– بتعرفي ؟ والله انك صايره تفكري بحكمه
– ها وشو لعاد لازم نتعاون عشان نحمي حالنا ونحمي اولادنا كمان
– والله انك صادقه ، خلص كلنا ايد بايد بنحمي مجتمعنا .
