أبو قنوه ……مافيه فساد !!
مرحبا يا استاذ ….قوك بالبدوي ..اقريت اخبار اليوم ولا انت نايم مابتعرف أشي …..!!!
ههههه يا ابو قنوه وشو فيه مافيه شو حكايتك زيح هالقنوه من وجهي !!
لا …لا مابدي ازيحها عن راسك وبدي اطسك بهالقنوه ….!!!
الله يكفينا شر هاليوم يابو قنوه شو الحكايه !!!
ابوقنوه بيقولوا ياستاذ اليوم انهم اجتثوا الفساد من خمس سنين ولا قضية فساد ……..!!!!
يعني نظفوا البلد وصارت مثل الفله لا احتكار للمناصب ولاغذاء فاسد ولا تهرب ضريبي ولابيع مفرقعات الجمرك اللي اتفجرت اوراح ضحيتها ناس ابرياء ولا تعيينات وتنفيع من تحت الطاوله ولا استغلال للكرسي بتعيين الاقارب والمحاسيب ولا زياده على فواتير علاج اللاجئين السوريين ولا تعيينات بوزارة الخارجيه لابناء عائلات بعينها ….كله تمام يا افندم …..!!!
ابو قنوه …..كله تمام التمام يافندم وقنوتي على راسك تمام ….بدي اسطح راسك ……طيب وتعيينات المستشارين الاخيره في سلطة اقليم العقبه والرواتب الفلكيه والخياليه واللي مستنين الدور من عشرات السنين !!!
يارجل بقولك مافيه فساد اخر خمس سنين هيك قال الحج معقوله اصدقك وأchذب الحج ……..!!!!!!!
لا لا يابوقنوه كش بره وابعيد انا بقدر أchذب الحج …..!!!
لعاد واشو ماله السفير الصيني اللي أنتهت ولايته انتقد مسؤولينا بتطفيش الاستثمار اكيد ما فيه اشي من تحت الطاوله !!!!
ابو قنوه اكيد وغصبن عنك سكر النا هالطابق أحسن الك ولا رايح اهبدك بهالقنوه ……!!!!!
nayef_alslayem@yahoo.com
