واختلفنا مين يحب الأردن أكثر..
رماح العبادي
ما بين رجال السياسة المسؤولين و الشعب اللي صبر عليهم كثير.. اختلافنا كبير.. وهالصورة بتحكي القصة بتفاصيلها..
إحنا بنشوف الأرض لما ترتوي مطر بنحس أنه راح عطشنا.. بنشوف الزرع صار أخضر بنتفاءل بموسمنا.. السدّ لما امتلى امتلت عيونا وشربوا ولادنا من مياتنا .. بنشم زهرنا بأرضه ما بنحطه زينه بدارنا.. حتى الجذع اليابس لبسناه شماغنا حتى نحكيله يعطيك العافية كفيت ووفيت بترابنا.. لكن غيرنا عينه على كراسي ،امتيازات، ألقاب، آبار، صفقات وما بعبي عينه لا أرضنا ولا هوانا..
هذا هو اختلافنا…
ملاحظة: الصورة من جاليري الصديق Alaa Atyiat
