اردنيون بلا حدود(2)
استكمالا لمقالة سابقة ، ها انا اختلس لكم بعض ما يقوله الاردنيون عن انفسهم ، لأنني اعتقد ان السخرية من الذات هو قمة السخرية ، خصوصا حين تكون من اجل التخلص من التقدير الزائف للذات الذي يبعدنا عن متطلبات العصر ويحولنا الى كائنات فخورة متفاخرة. نقد الذات هنا هو الوسيلة الأفضل لتحسين الذات بعد تشخيص امراضها…. الذين ينتقدون انفسهم وممارساتهم هم النشامى والشجعان الحقيقيون:
– “طرق تنويم الأطفال:المصرية :نام يا حبيبي نام. السورية : نام يبعتلي حمى.اللبنانية : نام تئبرني.الاجنبية : سويت دريم بيبي.الاردنية : (عووو) حرامي جاي ياخدك نام الله يلعنك ويلعن ابوك معاك.
– أما معاني الكلمات عندنا فهي بالشقلوب:
كلمة (يا ذكي) تعني (ياغبي).وكلمة (بدري) تعني (متأخر).وكلمة (صدّقتك ) تعني (كذاب).وكلمة (مبروك) تعني (شو اسويلك).
– في الأردن ،اذا لقيت الأضواء كلها شغالة،،اعرف انو البيت فاضي
بيضحكو ع الحرامي , يا أخي شعب عقليتو بوليسية.
– نومة العصر أطول من نومة الليل.ويسمونها قيلوله … صارت غيبوبه.
– اذا ضايع منك شيء وانت قاعد بتدور عليه ،اللي معك بيسألك انت وين حاطو؟. يعني اذا بعرف وين حاطو بقعد بدور
وحدات قياس أردنية:- آآخر ما عَمّر الله وتعني ان هذا المكان بعيد جداً جداً
– خمس دقائق بكون عندك فش حدا بعرف مدتها الزمنية الحقيقة إلى يومنا هذا.- بخزي : وحدة قياس المعدل التراكمي. – زي وجهك : وحدة قياس علامة امتحان.- طقع،وتعني أفضل من جيد. – مااخف دمك: وحدة زناخة الدم.- “مسافة الطريق بكون عندك”،بكون بعدو بالدار عالتخت.- قوطر ..
اي ابتعد عني بمقدار يجعلني لا ارى وجهك”.
وليس للحديث بقية.
ghishan@gmail.com
