ليش هيك صار فينا يبوي ؟
ليش هيك صار فينا يبوي
وليش الدنيا اسودت وعمّ العتم
وليه ضيعنا شلايا الغنم
وبعِنا الأرض ت صارت حالتنا عدم
عبالي من زمان اسألك
هو احِنا حقيقة ولا وهم
اخبّرك يابه
الأرض اللي كنت تحرثها بالفدان
صارت مباني واسكان
كلها حيطان وما فيها ولا انسان
بس فيها ناس بتحركوعلى الريموت
بدّي اسألك يابه من زمان
تتذكر الحراث اللي مات
وبيده الكابوسة كان فنان
يحرث الثلم بحد اخوه
وما يوم خان الوطاة
وتتذكر يابه عمّي سلمان
كان عنده شلية غنم ورعيان
كانت كل الحواكير مسنسلة
وبعدك راح واجا خمسين نيسان
وما لقى لا البيت ولا البستان
صرت انا غريب ومن الفقر تعبان
ادور رغيف الخبز
بعد ما كنت احرث بحوران
ازرع قمح وكرامة
من زمان يابه بدي اسألك
وكل يوم اتذكر وانسى
شو كانت حلوة عيشتنا مع الجيران
نتقاسم الخبز ونفرح مع الفرحان
ونحزن مع الحزنان
بعدني لليوم اتذكر بيوم قلتلي
ولك كبرت واشوفك تغازل السمرا
اخ يا بوي لو تعرف بالقلب جمرا
ولليوم هالعمر بلا قوشان
ضايع بالوطن يدور امن وامان
زمان كُنا كلنا اخوان واليوم
يابه الأخوان مش اخوان
