#خربشات_قلم
بيتزا وقروض
حدثني جاري ابو خليل :
صحوت اليوم على غير العادة ، قهوة جاهزة وفطار جاهز وحمام جاهز وقبلة على الخد جاهزة وبصوت هامس ” صباح العسل حبيبي ” مع اني معتاد اسمع “انت صحيت يا معفن ؟ ” وفي الحالات الرومانسية ” اصحى يا ابن بديعة ”
يقول لي يا اخي ما ضل فار بالبيت الا ولعب ب ” عبي ” وقلت والله هذه المعاملة الجميلة وراها مآرب غير جميلة … المهم شو يا حبيبتي أؤمريني انفذ …
قالت نفسي اطلع من البيت انخنقت .. قلت بسيطة نفتح الشبابيك تتهوى الدار بترجعي على قيد الحياة
قالت : لا حبيبي فتح محل بيتزا هت وعامل عرض ثلاث فطائر بعشرة دنانير ..
انا كان عندي عقل وطار كل هالدلال والحب وفوقيهم ثلاث فطاير بعشرة دنانير ؟ ذهبنا وطلبنا واكلنا شي بمط وشي بنط وشي بالصحن بتحط وانبسطنا ودفعنا وعند دفعنا وقفت القصة وتبخر الدلال والحب والرومانسية لما طلب المحاسب 18 دينار واحنا ماخذين العرض والشرف وكل ما يتعلق بهم بعشرة دنانير …. قال لي المحاسب : يا اخي العرض عشرة دنانير وضيف ضريية مبيعات وضريبة خدمة وضريية مضافة وضريبة خاصة وضريبة على الضريية وضريبة تضربك بطلع المجموع 18 د …
قلت ماذا تقصد بضريبة الخدمة ؟ هل تقصد اذا جلسنا على طاولة مطلة عالبحر جنب حوض السمك ولا مطلة على الحديقة جنب قوارة الزريعة …
قال هذه ضرائب حكومية .. قلت يعني الحكومة اكلت من الفطائر وحدة ونص ودفعت عنها ضرائب باقي الخدمات …. عمو. هاي ام خليل احجوزها عندكم لغاية ما اجيب كف طلب من الحكومة او ورقة طلاق من القاضي ……
وما زالت رشيدة ترهقنا بالقروض و تشاركنا في العروض
لا حول ولا قوة إلا بالله..
يا حرام يا خالتو ام خليل رحتي ضحية الضرائب…القصة صار بدها كفيل وبعدين مع بخلك عمو ابو خليل ..القصة مو بحاجة كل هاي النتافه ..