بسم الله الرحمن الرحيم
النّفاق
نهيل الشقران
– أم عارف : والله يم هاني إنّي بحبّك من كل قلبي ، يا الله ما أحسنك ، والله إنّك أختي بعهد الله
– أم هاني : والله ونتي يم عارف مثل أختي ، أقلّك إنتي أحسن من أختي ، عل قليله إنتي بتفقديني أما خواتي من وين لوين تا يفقدنّي
أم عارف : بدّي أسألك ، بنتك هديل إجاها خطّاب ؟
أم هاني : آه والله اجاها ، وما وافقت عليهم اللي إجوها
أم عارف : ليش من غير شرّ ، مالهم ؟
أم هاني : والله في منهم بلا شغل ، وفي منهم ساكن مع اهله وبدّه يسكّنها بغرفه عندهم ، ولا هي رضيت ولا أبوها ، بس النيّه أمّ خالد بدها تزورنا بكرا المسا ، وفهمت انها بدها تخطب بنتنا لابنها المهندس خالد .
وبنتك الله يحفظها ، شو اخبارها ؟
أم عارف : والله خلصت جامعه وبتستنى بالوظيفه
أم هاني : الله يبعثلها الوظيفه وابن الحلال اللي يصونها
أم عارف : آمين ، الله يسمع منك
( تنتهي الزيارة وما إن تغادر أم هاني دار أم عارف ، حتى تذهب أم عارف إلى دار أم خالد )
أم عارف : صحيح اللي سمعناه يم خالد
أم خالد : خير شو اللي سمعتيه ؟
أم عارف : سمعنا إنك بدك تخطبي هديل الهبلة للمهندس خالد ، ولك والله أمها ما بتحبك وهديل أصلاً ما بتنفع ابنك ، مالك انتي ابنك مهندس بدك توخذيله وحده خلّصت معهد بالموت ؟؟
( شايفين النفاق ؟؟؟؟ )
