بالمحكي
الموت مش خيال…مش فيلم…مش إشي بيخص الناس إلا “أنا”..رح نموت…ونترك الناس والأشياء…رح نموت…وننحط بحفرة بدون كهرباء. .بدون موبايل ونت…وبدون أحباب…
رح نموت.. والدنيا ورانا رح تضل…الناس اللي عرفوك بينسوك…واللي ما عرفوك ما رح يحسوا بغيابك أساساً….
رح نموت…والناس رح تضل تضحك..وتطلع…واحنا لحالنا ما رح نعرف عنهم…
رح نموت…والشمس تلهب التراب فوقنا…والثلج يجمد الأرض علينا…و الدنيا هي الدنيا و احنا غايبين…
رح تموت..حتی لو كل ما أجت فكرة الموت ببالك غيرتها..و التهيت بشي تاني… رح تندفن…حتی لو ما بتحب المقابر…ورح تنحط تحت التراب…بحكي مستقبل أكيد مش خيال…مش فكرة علمية…مش فيلم…
رح ننام ما نصحی…رح ننام ما نقوم….رح ننام ما نشوف أحبابنا….
اليوم…بكرة…بعده..بعد أسبوع…شهر..سنة…مش مهم…المهم رح نموت…وكل يوم بيمرق بنمشي خطوة لهالنهاية….
رح نموت…عاريين من الدنيا تماما…مقبلين علی عالم ما بنعرفه…و لا حد بيقدر يوصفه…لأنه اللي بيروح ما بيرجع…ما بيرجع….سمعت…سمعتي…مابيرجع…و الله ما رح يرجع….
الموت….خليه هاجس قدام كل إساءة…كل ظلم…كل تجربة….
الموت….”كفی بالموت واعظاً يا عمر”
#قلم_بعثرات
#ساجدة_الكايد
