#حمى_الانتخابات
بعد زياره سريعه لمقر الفيس بوك الرئيسي في الحاره عنا ، التقيت انا ومارك أبصر مين صاحب الفيس اكيد عرفتوه !؟ المهم الح ادخل اشرب كاسة شاي بنعنع معه وقلي انا ناوي اعمل update عالفيس بوك (بس بالاردن) ، وطلع من جيبته ورقه مجعلكه فردها وولع سيجاره واخد نفس ونفخ الدخان بوجهي، وحط اصبعه و بله بشوي من ريقه وقال اسمع هظول الكلمات وركز معي منيح :
الدوائر الانتخابيه
الكتل
الشعارات
القانون الانتخابي
المناسف
فتات المقادم كرشات معاليق
مرشح انتخابي
صالح العرموطي
دائره انتخابيه
قوائم انتخابيه
خطابات سواليف صف حكي
سقاطه وانحلال فن فنون تمثيل تلفزيون اغاني مسرحيات
كنافه وبيبسي وحلويات
عشا غدا فطور
تحرير فلسطين والقدس عربيه
نواب نيابة برلمان
حديث أديان ملل طوائف
حبر نزاهه هويات وطنيات عمر العبداللات
قهوه ساده
الجامعات أقساط
حياه رغد وعود انتخابيه
كلمات سوف تحذف من صفحات الفيسبوك الاسبوع القادم!
وسكت وسحب سحبه ثانيه وسالني شو رأيك يخوي إحذفها ولا لا !؟ بتأثر شي عالعمليه الانتخابيه عندكو! ؟
ضحكت وقلتله افتح طريق يخوي تأخرت فكرت في اشي مهم بدك اياني عشانه …
#ايهم_ايوب
