كيف ردّ الأردنيون على طلب الملقي ” معلولية ” ؟

سواليف – رصد

أظهر كتاب رسمي تم تداوله ليلة امس بشكل واسع ، مخاطبة قام بها أمين عام وزارة المالية لرئيس لجنتي التقاعد المدني والعسكري وذلك بهدف عرض رئيس الوزراء الأسبق الدكتور هاني الملقي وعدد من أعضاء حكومته على اللجان الطبية المختصة بهدف منحهم تقرير معلولية قبل إحالتهم للتقاعد وذلك بناء على طلبهم.

وبعد ان تم نشر الكتاب الرسمي وتداوله عبر مواقع التواصل الاجتماعي ، علق ناشطون على طلب الملقي وبعض وزرائه للمعلولية مستهجنين هذا الطلب الذي اعتبروه استفزازا للشعب ، خاصة ان الحكومة استقالت بعد ضغط شعبي كبير .
سواليف رصدت بعض التعليقات تاليا بعضها

** استهتار غبي ،،،،

حكومة سقطت بعد ان انهكت الشعب بالضرائب ،،،
اطرمتنا بكلمات شُح الموارد ،،،
وما فيش رواتب ،،،
وترشيد النفقات ،،،
وبيلابيف وسردين ،،،
وسياسة شد الأحزمة ،،،
ولازم نتحمّل لأجل الوطن ،،،
وسياسة الاعتماد على الذات ،،،
والآن تبتز الوطن للحصول على معلولية لأعضائها من دماء الشعب لزيادة رواتب تقاعد الرئيس والوزراء،،،
معلولية ،،،
يعني طلعتوا معاقين واحنا ما بنعرف ،،،
والمصيبة كُنتُم تحكمونا وتقودوا البلد ،،،
ولا هاي ضربة مقفي،،،

** الملقي ووزراءه طالبين #معلولية عشان تزيد رواتبهم
.
#حالات_انسانية

** ما كفاهم اللي لهطوه بدهم معلوليه كمان

** بقولك 300 نيره راتب تقاعد شوبعملن كمان بدور ع معلوليه ؟؟؟ (: والله احنا استحينا نطلب المعلوليه – انا برأيي يشوفوله صندوق المعونه الوطنيه كمان … قسم بالله نكدت علينا كل روحانيات شهر رمضان بين اعتصامات ورفع اسعار ونكد وكأنه شهر عادي ما استمتعنا فيه ….:( الله لا يبارك فيك حرمت كل مرضى السرطان من العلاج بالمستشفى اللي هو بالاصل تبرع من اكتاف الشعب …. ما تخاف ربك ؟؟؟

** معلولية على شو
دسك من طول الوقفة وأنت تحرس على الحدود
ولا سرطان ربنا فكك منه من كثر دعاوي مرضى السرطان
ولا قلب من كثر ما تضغط على حالك من الملقي الزغنون تبع الملكية يكفيك أتقيى الله وهات الفلوس الي عليكم تبع الزغنون

** يا عيب العيب.. كل هالمصاري اللي معك و جاي تذل نفسك عشان معلولية… فعلا الكرامة شمم و الشمم لا تعلم

** طبعا بدو معلوليه اما لما حرم الناس من المعالجه بمستشفى الحسين ما فكر فيهم .. حسبي الله ونعم الوكيل فيه

** شكله كوشنيت معاليك…تخلط ميه وزيت…بدك فرهول …اهم شي الزطمه معاليك تكون اصليه…هرد لك…الرابع جابك اكتاف

** واااااااااااال لهالدرجة شخص مثل هذا مستموت انه بالمعلولية ممكن يطلعله زيادة 100 او 200 دينار على التقاعد !!!!! شو تفسيرها ؟ ليش يا هالترى ؟ بدها فولتيير او فرويد ليحللوا هذه النفسيات

** ليش ما قدمها قبل وخلال حكومته المشؤومة
…
اذا عنده معلولية كيف بكون رئيس وزراء غير قادر على القيام باعماله !!!!

** لسه بدو تقاعد كمان
شو هالوضاعه؟
يلا اللهم لا شماته بالمرض بس يلا اعمل وكثر بكره رايح لربك وصدقني ما رح يسقط عنك ولا قرش الملايين اللي ظلمتهم رح يوخدوا حقهم منك وانا مني وعلي مش مسامحك لا دنيا ولا اخره حرمت الناس يتعالجو من نفس المرض تبعك ورحت اتعالجت عحسابهم كمان فعلا انك……والا اقلك خليك لربك

** سبحان الله يا ملقي اتذكر مركز الحسين وماذا فعلت بالفقراء اللذين يتعالجون يه عندما حولتهم لمسمط البشير؟ اتذكر كم مات منهم بسببك؟ ربما هي دعوة مريض او ام مريض فتحت لها ابواب السماء فاصابتك واطاحت بك وجعلتك تشعر كما يشعرون. اتذكر ياملق عندما قلت الشعب مش مسخمط؟ ماذا افادك ؟ لاشئ الا كره الناس لك . لتلعم ان الله هو العدل ولست انت او وزرائك

** مذلولية اسمها ،يارجل اصبرلك عشر خمسطعشر سنه تا فراخك يكبروا ويستلم واحد من عيالك رئيس وزرا لانه صاف عالدور وقرب دوره،وبس ييجي يزورك ينظفوا المقبرة،ويقلك هيني صرت مثلك

** عأساس كان واقف ع الجبهه ولا وظايف 6/6 ما طول نهاره سهرات وعهر بحراسة وسواق و خدمات vib غير القصور و النهب و السلب طول الخدمة

** إلى هنا وصلت درجة حب الانتفاع ومص الدماء من عصابة الملقي واعوانه حتى بدأو يبحثون عن معلوليات على نفقة الشعب وهم من حرم هذا الشعب المسكين حتى من حق العلاج بالمستشفيات التي بنيت وجهزت على نفقته فعلا بأن دودة العلق هو أقرب شبيه لكم فهي لا تشبع حتى تنفجر وتموت

** ان لم تستحي فاصنع ما شئت ……..والي مثلك زمان طق عندهم عرق الحياء
كم مريض سرطان حرمته من العلاج ……
كم شخص اردني كان يتعالج على حساب الديوان الملكي العامر وحرمتهم من استكمال علاجاتهم….
كم شخص بهذه الايام الفضيله بدعي عليك
ربنا يرزقك ويطول بعمرك ويرزقك ارذل العمر
حتى لا تعلم بعد علم شيئا

** خدمة سنتين وكل هالنهب وبدك معلولية خدموا ربع قرن باخلاص وامانة ما طلعوا معلولية

** ع اساس انو صابو سرطان من الشعب …. يزم ما انتا عملت فتاق للشعب ….يزم بلاش فتاق نص شعبك بشكي من المراره من وراك

** لأعمار بيد الله … بس عمرك 66 سنة و متشبث كل هالتشبث بالمصاري و الحياة ولا بدك تأمن مستقبل الأولاد … أخ هاني وراك 10 مليون مواطن رح يوقفوك على #الصراط يسألوك عن كل مليم لو انا مكانك ما بنام الليل و انا بفكر بهاليوم … معقول النغماس بالشهوات بيجع الانسان مغيب الفكر لهالدرجة !!
اللهم لا تجعل الدنيا أكبر همنا

** يارجل خاف الله خاف ربك انت مسؤول عن كل قرش بتوكله بدون وجه حق في حساب و في جهنم

** لازم نعرض الشعب ع لجنة طبيه بعد السنين العجاف الي شافوها بفترة توليه رئاسة الوزراء
وبالتأكيد راح يدفع تعويضات للشعب اكثر من الدعم الي اجا للأردن

** والله انت الي طلعت الشعب معلولية ..اكلت الاخضر واليابس ولسة بدك الله يشبعك

** كان عندي سايق مغلبني اجيت اطرده راح عمل معلولية زي دولة الملقى غلب الشعب و لما بده يروح عمل معلولية … بس السايق كان شغيل صحيح ما بحب الدوام بس شريف

** حسبي الله ونعم الوكيل فيك وفِي كل ظالم ، هو انت لسه بدك حقوق بعد كل النهب الي نهبتوه روح دورلك على جامع ودشداشة ومسبحه بس تكون كبيره شوي واستغفر ربنا احسنلك بلكي ربنا غفرلك شوي مو خطايا هالناس الي حرمتهم من اقل حقوقهم في الجياه

** سلامات دولتك بتستاهل ما صمدت من راتبك شي والله حرام يا جماعة