نائب بلا صغرة
زمان لما تدربت سواقة .. اول يوم .. قاللي المدرب رح تروح بالسيارة عالبيت اليوم .. علمني تشغيل السيارة .. وحكالي روح وسقت سيارة التدريب من المركز للبيت … يا سلام صرت شوفير من أول حصة ..
.
كنت سايق وهيك مكيف .. ماسك الستيرنج زي المحترفين ..
.
عند الاشارات والمطبات بكل سلاسة السيارة توقف معي .. السرعة منضبطة ..كان المدرب يساعدني بالغيارات ..
ووصلت البيت وانا مبسوط انه صرت سايق … وقلت لأبوي انه باول حصة سقت السيارة بنص الأزمة من المركز للبيت يعني اشي 15 كيلو ..
.
قاللي ابوي : غير المدرب يابا
استغربت وسألته ليش … قاللي عمرك ما رح تسوق وانت معه …ولك
كان هو اللي سايق ..
واكتشفت انه مدرب السواقة عنده دعسات وبيتحكم بسواقتي .. ومخليني افكر حالي أنا اللي سايق … و مكيف #الوح براسي .. والعب بالستيرنغ لعب …
.
بصراحة حسيت حالي #نائب بلا صغرة
.
#وليد_عليمات
