ابو قنوه ….خلف واولاده بس !!!
ابو قنوه …….صباح الخير يا أستاذ كيف حالك وكيف اصبحت !!!!
ابو قنوه …..من وين بده يجينا الخير او هالزعران واللصوص قاعدين يذبحوا بخيرة شبابنا !!!
حسبنا الله ونعم الوكيل فيك وفيهم ……!!!!
ابو قنوه …….له له له …ياصباح يافتاح يارزاق ياكريم مالك يا استاذ علي المجرمين (الارهابيين )او قلنا انك غضبان عليهم بس أنا شو مالك علي !!!!
فتح عينك اكويس لا طرقك بهالقنوه ….أجيب أخرتك ….صحيح أنه ناس بتخاف ما بتستحي !!!
أبو قنوه شفت يأ استاذ اللي استشهدوا كلهم اولاد الحراثين والرعيان والفقرا والمصخمين من اولاد البلد المساكين ولا واحد ابن وزير او عين او معالي …راح بهالميمعه !!!!
ولك يابو قنوه منوه غيرهم بدك يستشهد من شان البلد مابيحرث الارض غير عجولها هو فيه بالبلد غير …..خلف واولاده …!!!
أبو قنوه …. والله انك صادق يا استاذ هالمره صحيح ما فيه غير خلف واولاده… او بس ….اللي بالميدان بهيجنوا فدوى لعيونك يااردن مانهاب الموت حنا !!!!
واولاد مايكل جاكسون …..بقسدروا في الشانزلزيه وبالهايد بارك بلندن …..بسولفوا عن الوطنيه !!!!
عن أي وطنيه بتحكي ….لايروح عن الشركه الوطنيه للدواجن ….او الشركه الوطنيه للتشغيل وأسهمهم فيهن تأخرت عليهم العائدات شوي !!!!
أبو قنوه …..لا يا استاذ عن الوطنيه والشرف الوطني ….قصدي يأستاذ !!!!!
هذولا عليهم يسرقوا وينهبوا بس؟ ويوخذوا كل المغانم يابو قنوه ما احنا كلنا السبعه مليون بنشتغل من شان ما تنقص ميزانياتهم واظلوا اشموا هوا ببلاد برى !!!!
ابو قنوه …..طيب او خلف واولاده لويش ساكتين على هالشله المصديه ومتحملينهم !!!
ابو قنوه لا تستعجل ……خلف واولاده للأن ماصحيوا او فاقوا من هالمصيبه اللي وقعت على روسهم الله يرحم شهداءهم !!!!
او بعدين لكل حادث حديث …..خلف واولاده شركاء بالمغرم …..؟؟والفاسدين واولادهم شركاء بالمغنم !!!!
ابو ….قنوه ….يعيش خلف واولاده …يعيش خلف واولاده ……!!!!
الكاتب والشاعر نايف السليم
Nayef_alslayem@yahoo.com