سواليف – رصد
نشر الشاب #قتيبة_البشابشة منشورا عبر صفحته الشخصية في الفيسبوك خاطب فيه رئيس الوزراء الأسبق #عمر_الرزاز ، بعد أنباء تعيينه محاضرا غير متفرغ في #جامعة_هارفرد في أمريكا .
وقال قتيبة في منشوره الذي كان كله عتاب على الرزاز الذي عشمه قبل سنوات بالبقاء قي الأردن وعدم الهجرة ، حيث طالب قتيبة الرزاز تعويضه بفرصة عوضاً عن الفرص التي ضاعت عليه لكنه لا يجيب ، خاصة بعد أشهر من تواصله معه دون رد.
وختم قتيبة منشوره فقال للرزاز … دولتك شيل الزعل من من راسك وخذني على #هارڤرد.
وتاليا نص منشور قتيبة :
اليوم الصبح وصلتني عشرات الرسائل والتعليقات على خبر تعيين د.عمر الرزاز محاضرًا في جامعة هارڤرد العريقة!
ناس بقولولي ضحك عليك وليش ترد عليه، وناس بقولولي خليه يوخذك معه.
اليوم وبعد استذكار لبعض لحظات أيامه و #هاجر_يا_قتيبة بتذكر انه فعليًا الخطية برقبته لإنه عرف كيف يعطينا أمل عالفاضي، طيب ليش رديت عليه؟
مع اني عارف شو يعني هجرة من الابتدائي وبعمر ١٥ سنة طلبت من ابوي كتاب تعليم لغة المانية وهدفي كان الطلعة، لكن اجا عمر الرزاز وجرعني #الأمل بالأطنان، انا وكل الشباب، والنتيجة اني آثرت على نفسي كل الفرص اللي اتيحت الي وقتها وقلت وطني الوردي اللي بحكي عنه دولته احسن من حقول السويد اللي فتحتلي بابها على الملأ عبر حسابها في تويتر، وضليت هون.
لذلك فعلًا الخطية برقبته وهو عايش بالعسل.
وللملاحظة صارلي ٥ شهور ببعثله انك ورطتني يا دكتور ويا ريت تعوضني بفرصة بدل الفرص اللي ضيعتها علي.. بس بردّش شكله زعلان مني 😂😂
دولتك شيل الزعل من من راسك وخذني على هارڤرد 😂
