ضمان النواب …؟
مهزلة تهز مجلس النواب وتكشف أن القوانين تطبق على الفقراء والامتيازات في هذه الدولة للأغنياء فقط ليزداد غناهم…الممرضين يعتصموا من أجل فتات فتهاجمهم صحافة العهر والمعلمين على نيه الإعتصام من أجل حق فتهاجمهم الأقلام المأجوره…
أتعلمون لما هذه المعركة على ضم مجلس النواب للضمان..؟؟ طبعاً هي صفقة بين الطرفين رح تنكشف في المستقبل.
خذ هاالحسبة البسيطه (حسب فهمي المتواضع لقانون الضمان) نائب في 55 من العمر يشترك براتب نائب يعني تقريبا نحكي 3000 دينار بدفع عنه المجلس 4 سنوات صار عمره 59 سنه ونفرض أنه خسر الإنتخابات ففي هذه الحاله بسجل إختياري وبدفع سنه بصير عمرة 60 وهيك دخل سن الشيخوخه … يعني بقدر يشتري سنوات الخدمة حسب قانون الضمان لشراء سنوات الخدمة…فلنفرض انه رح يدفع 50 الف بدل سنوات الخدمة مشان يحصل على تقاعد الشيخوخة وما رح يهمه حتى ولو أخذهم دين او قرض لأنه رح يحصل على راتب تقاعد 2500 دينار بحد متوسط يعني 24 شهر برجع رأس ماله والباقي كله مرابح حتى الله يأخذه والله اعلم متى يعني ممكن يوخذ راتب لعشرين سنة ويورث الراتب كمان ….وخذ بالقياس على النواب كلهم ومختلف الأعمار كيف رح توفى معهم ..يعني إستثمار مربح …..وأنت وأنا بنحرث 25و 30 سنة على 400 و500 دينار …شفت البلد كيف ماشيه…..!!
