#حوار_مع_الشيطان
……مرّه واحد كان ماشي لقى الشيطان متمغّط على فرشة اسفنج بالحوش البرّاني، وحاط قدّامه ابريق شاي وارجيلة وقاعد بأرجِل عليها وحاط كيس بزرعين شمس وقاعد بفصفص فيه، وحاط على قناة ال mbc وقاعد بتفرج عليها!!!
…..استغرب الزلمه من تصرفه !!
…..قالّه كيفك يا ابو مُرَّه؟؟
شو شكلك عقلان او ماخذ اجازة او انك مبطّل تشتغل ببني آدم ؟؟!!
…..قاله اه والله تركت هالصنعة من زمان، وهايّني قاعد بالدار مثل ما انت شايف لا شغله ولا عمله، بمضيها اقلّب التلفزيون من محطة لمحطة،،
……الله وكيلك من لمّا فتحت قنوات ال mbcواخواتها، بطلت الاقي واحد افتنه واضحك عليه، والظاهر انها خلصت مهمتي بالارض، وهسع صار المجال اني اتقاعد واشوف مستقبلي عاد، خلص زهقت ومليت من هالشغلة !!!
.. بعدين مثل ما انت شايف، ما شاء الله عليهم، الجماعة مش مقصرين، والتلميذ غلب استاذه، صقدني بشتغلوا احسن مني، وبعدين على كل الموجات وبكل الالوان بتلاقيهم ،،،خلص اني سلمتهم الراية وقعدت ما ظلّي خبز !!
قالّه الشيطان، طيب جيرة الله تفضل على المقسوم بدل ما تضلك واقف؟!
قاله الزلمه، لا لا شكرا ، والله بدي اروح الحّق احضر مسلسل غرابيب سود على قناة ال mbc قرّب يبدأ، صدقني انه مسلسل بجنن من الاخر، وبحكي عن جماعة داعش الارهابية!!
قاله الشيطان، بعرف واني اللي اوحيت لصاحبه يكتبه وهايني قاعد بستنى فيه على نار، لاني متابعه بشغف !!!