حلم الحياه يتبخر بلحظه / تامر شطناوي

حلم الحياه يتبخر بلحظه ماتت حمده حمده الرمش الي يتحدى
حمده تروي قصتها .

انا والله مش مستجوزة ! كل القصة انه معي تصحر عاطفي مرحلة الجفاف خلصتها وانا سنفورة !
بس خلص !
اجا فارس الاحلام ! مش ع حصان لا بسيارة قرش ونص بنمرة اماراتيه !
خلص رح اقب ع وجه الدنيا !!
برج خليفة رح يصير لعبتي !
ودشاديش وعقالات عفق لابوي واخوتي !
وامي رح اجبلها من هدول الدشاديش الي شك خرز !
رح انفخ شفايفي واعمل حواجب تاتو
وتصير سوسو توصيني ع كريمات اصليه واحملها هي وكل اهلها جميله !
و حرامات لعمتي اهت عليها ليوم الدين !
معلش تحمست ونسيت افهمكم .. اجا الفارس المغوار .. اجا الطويل ابو السمار ! اجا حامل السشوار !
اجا طلعت ابن خالتي من دبي !
هو اه مناخيره كبار وكرشه من الكبسة والمندي زي الحامل بتوأم بشهرها التاسع !
بس الشب ما بعيبه اشي .. الشب بفلوسه مش برموشه !
وخشيت ع دار خالتي زي الاسد كان نايم يقبرني احنا قاعدين بالصالون وهو نايم بالغرفة بس صوت شخيره واصلنا اسم الله ! معلش لازم اصبر الي بده الدح بقلش يح !!
وبس صحي اجت خالتي بدها تقوم تجلي جلي الغدا ! وامي حكت جملتهاا المعتادة ” والله ما بتجلي هي حمده بتجلي ” طب يما ملحقناش نتعرف !! لسا ما عرف اني بنتك الي قبل ما يسافر كان بربورها نازل ولاحقة اخوه بالشبشب ..

انا ماشي انقهرت بس شفتها فرصة اثبتله اني معدلة ! فتت ما خليت هايبكس الا وحطيته ودوا الجلي طلع من عيوني ليفت الحمام وعملت ققهوة و شاي .. حست حوسة عيد بالمطبخ ! وصرت ع هالموال كل ما نزور خالتي بفترة وجوده !
والظاهر اني عجبته كل شوي يفوت ع المطبخ يتحجج باشي !
مرة مي مرة بفوت بطول جزر من الثلاجه ومرة معسل مرة فحم ومرة قلي ” صديك انا بدي دبوس اخزق راس اركيله !” اعطيته دبوس من شالتي وانا جد مستغربة من طريقة حكيه ! وقلت كل الي بشتغلو بالامارات هنود وبنغال وسيرلانكيين يمكن متأثر باللغه !
واجا وقت سفره حسيت حبي الوحيد عم بضيع مني ! حسيت انه لازم اعترفله اني بحبه !! حسيت انه لازم مهرجان دبي هالسنة ما يروح علي !!
فقررت ابعتله ع الفيس !
وكوني حاطة صورتي قبل الادد !
وبس قلتله ” مرحبا كيفك عرفتني ! ”
قلي ” اه انتي خدامة خالتي ! معي دقايق مجانية ع سيرلانكا اذا بدك بخليكي تحكي .

وماتت حمدا حمدا الرمش الي يتحدى .

اظهر المزيد

مقالات ذات صلة

تعليق واحد

اترك رداً

زر الذهاب إلى الأعلى