حبة منوم
هيك حليت مشكلة طبية عويصة
د. حسام العودات
ما اتزوج ولا أنجب لإنه مريض من وهو باللفه ، وكبر بالعمر حتى إخوانه اللي أصغر منه أغلبهم توفوا ، تطوعت أخته تبلش فيه بعد ما صار عاجز وفوق الهرم خرف ، مع إنه عندها عيله كبيره ، بس اللي بده رضا ربنا هاي التجاره الرابحه .
بآخر شهرين من عمره بطل ينام لا ليل ولا نهار ، ولا بخلي حدا ينام ، صياح ، وبحكي مع ناس مش موجودين .
طلبت مني أخته علاج عشان ينام ، لإنه قلة النوم مرض ، والعلاج عشان الختيار مش عشان يرتاحوا أهل الدار ،
وصفتلهم أكثر من نوع دوا وبلا فايده ، بالأخير قلتلها :
ما ظل غير حبوب المنوم .
برضه اتصلت معي وقالتلي إنه حتى المنوم ما جاب نتيجة .
قلتلها : عندي حل سحري ، ابلعي انتي حبة المنوم .
وصدقوني كل حياتنا هيك ماشيه
وهاتولي حبة
