بعض الناس
نهيل الشقران
– سمعنا إنّك بدّك ترشّح حالك للانتخابات البلدية
– شو أنا أقلّ منها يعني
– لا والله إنت الخير والبركة
– طيب ، ليش حاسّك مستغرب ؟
– لا والله ، مش هيك القصّة
– لعاد شو القصّة ؟ تفضّل إحكي
– بحكي ، بس بدون زعل ؟
– إحكي وما رح أزعل منك ، إنت صديقي وحبيبي وإنت عارف هالحكي
إنت عمرك ما كنت طياب إنت وقرايبك ، متوقع منهم ينتخبوك ؟
– ولك بس هيك ؟ هاي بسيطة ، راسمالها أكمّن منسف ، و كنافة ، وبتشوف كيف بتسابقوا عالخيمة اللي بدي أعملها مقرّ انتخابي ، والفقير فيهم بنرضيه بأكمّن ليرة وخلصت فكّت .
– انداري ؟ معقول هيك بتضمن النّجاح ؟
– انت ما اسمعت بالمثل اللي بقول : اطعم الثمّ بتستحي العين ؟
– سمعت
– وما اسمعت إنّه الغني كل الناس بتغنيله
– سمعت
– بعدين لو صرفنا أكمّن ألف بنطالعهن ، قلّة عطاءات للبلديات ؟ وفهمك كفاية
– مفهوم مفهوم
فعلا المنسف هو الي بحبب الناس ببعض ولكن للاسف ما بنفكر ما بعد اكل المنسف