الكورونا

الكورونا
نهيل الشقران

– وين رايح ؟ بشوفك بتتلبس وبتتعطر !
– وين فكرك بدي اروح ؟؟ خالصه
– خالصه ولا عينك زايغه ؟ شو لا يكون شايفلك وحده وبدك تقابلها
– يا مره اتقي الله ، كبرنا ع هالسوالف هاي
– والله انتو الرجال ما الكم أمان
– على كل حال ريحي بالك انا رايح على عزا مش رايح لا اقابل وحده ولا واحد
– لعاد يا معود دير بالك ع حالك لا تبوس اهل العزا ولا حدا من اللي هناك الله يوفقك مش ناقصنا
ولا تشرب بفناجين القهوة اذا مش كرتون ، دير بالك .
– ليش شو في ؟؟؟ خير ان شاء الله ؟؟؟
– يا غبره انت ما سمعت انه في مرض جديد اسمه كورونا
– اه والله سمعت ومليح اللي فطنتيني ، والله اني ناسي حالي
– اوعى حدا يعطس بوجهك لانه هاض المرض بنتقل مع الرذاذ
– كثر خيرك والله انك اصيله
– شو خلاك تقول هيك ؟؟؟
– لانك خايفه علي
– لا والله ، انا خايفه تعديني انا ولولاد