.الفائدة الوحيدة

[review]

 

 

أثار جرس التحذير  انتباه الزبائن الواقفين لصرف وصفاتهم ، التفتوا جميعاً اليه ثم عادوا يراقبون الصيدلاني المناوب وهو يحضّر أدويتهم ..مشى ابو يحيى على مهل باتجاه "كاونتر" الصيدلية ، أخذ بعض "البروشورات" المعروضة تفرّج على بعض الصور والكريمات ومنشورات تخفيف الوزن وحب الشباب وغيرها…وبصوت مفعم  بالاحترام طلب الصيدلاني منه أن يتقدّم :

 

·       الصيدلاني: تفضّل حجي!!

·       ابو يحيى: لا شكراً..تا يخلّصوا الشباب..

·       الصيدلاني: عادي الشباب بستنّوا

·       ابو يحيى: بعدين..شغلة خاصة…

أسرع الصيدلاني في تحضير الأدوية لكل المنتظرين ، كما قام كذلك بصرف العلاج للّذين أتوا للتو واعتذر عن بعض الوصفات بحجّة عدم توفّر العلاجات..

 

·       الصيدلاني: تفضّل حجي..ما ظلّش حدا غيرك..سولف

·       ابو يحيى: عندك اشي للإمساك!!

·   الصيدلاني: بس هيك؟ فكّرت اشي ثاني..طيب  توخذ شراب "ايزيلاكس"..

·       ابو يحيى: جربته ما نفع!

·       الصيدلاني: حبوب "ديولكولاكس"؟! ممتازة

·       ابو يحيى: أخذت  6 باكيتات بلا فايدة!

·       الصيدلاني: ولّ؟..طيب توخذ تحاميل "جلسرين" عدم المؤاخذة!!

·       ابو يحيى: ولويش المؤاخذة منا مآخذ منها 3 سحبات ولا هون حدا!!!

·       الصيدلاني: دبس الرمان؟

·       ابو يحيى: كذب!

·       الصيدلاني: سنمكة؟

·       ابو يحيى: ولا اشي !!

·       الصيدلاني: منقوع ورق الدراق !!

·       ابو يحيى: سلامتك!

·       الصيدلاني: طيييييييب!!!

·       ابو يحيى: شو؟؟

·       الصيدلاني: عندك تلفزيون؟

·       ابو يحيى: عندي!

·       الصيدلاني: ما الك غير تحطّ على جلسة مناقشة  لمجلس النواب وادعي لي بعديها!.

 

 

 

احمد حسن الزعبي

ahmedalzoubi@hotmail.com