السوس منتشر .. وراح البنج
#وليد_عليمات
احلى نهفة تروح عند طبيب اسنان مثقف سياسيا ويمتلك اسلوب حوار . جيد …
بس بصراحة افحمني .. واقنعني ..
..
طبعا بعد ما قعدت على الكرسي . .. وقاللي افتح ثمك .. وحط #الدرل وبلش حفريات ..
صار يحكيلي عند الديمقراطية في البلد .. وانه احنا مشينا خطوات جيدة في هالمجال …
وسألني شو رأيك ابو عليم ؟؟
انا: هئ قيء بوء اخت تمقراط في خا …
قاللي تمضمض … وعملت تفوووو
..
رجع حط الدرل …
وصار يحكيلي .. صح انه عنا فساد .. بس الحمد لله … قدرنا نوقف منابعه .. ومشينا خطوات في محاربته …
.
أنا : خا تا قوء بينو هأ باسم كخخ ..كرد حا .. مجد .خو خا اخص ..
قاللي تمضمض … وعملت تفووووو
..
رجع حط الدرل .. وبلش حفر ..
قال بس تعرف ابو عليم .. الواسطة بلشت تختفي .. والقوانين بلشت تتفعل .. والمحاسبة بلشت تخوف المسؤولين …
أنا : كأ كو .. خط ..سيفيا ..شو كؤ ..
تمضمت .. وعملت تفووو
.
رجع حط الدرل …
وقال بس تعرف ابو عليم …
انا بعد ما عصبت : اااااااه هو حا قوء خوء بوء ..
..
قاللي مالك …
تمضمضت .. وعملت تفوووو
ولك راح البنج يا دكتووور … موتتني ..
راح البنج .. يا شععععععب .. موتتني ..
.
اطلع علي الدكتور … وقاللي
اصلاح ما أتوقع ..
تلبيس ما بزبط ..
السوس منتشر . والفاسد بده خلع ..
..
بنج .. بنج … #بنج .. بنج
.
.
