سؤال لمعالي وزير التربية
انا ابني مغرم بالرياضة. ما يدخل البيت الا بآخر الليل. وكل ما اساله وين كنت؟ يجاوبني: “كنت العب مع اصحابي كرة قدم” ومشكلته مهمل بدراسته. لكنه شاطر وحريف بالرياضة.
وما يحلالهم اللعب الا بآخر الليل وعلى الشارع الرئيسي. تكون ازمة السيارات خفت لانه بصراحة ما في ملعب قريب يمارسوا هواياتهم. وما شاء الله مشكلين دوري بين الحارات..ودايما هو وصحابه يوخذوا الدوري .
يعني معاليك ما في خوف عليه السنة الجايه بالتوجيهي. اخليه يكمل لعبه واشجعه كمان. ابشره انه رح يدخل الجامعة ويدرس رياضة . ويا ريت من معاليك مدامكوا رح تغيروا بالتوجيهي وما رح يكون فيه ” ناجح او راسب” في الشهادة، انكوا تدخلوا علامات الفن والرياضة بالمعدل. لانه حرام فيه طلاب مش نافعين غير بهيك مواد. بلاش نحرمهم كمان من دخول الجامعات. خليهم يدرسوا التخصصات المبدعين فيها. وشكرا معاليك
