أبو قنوه …..والجامعه !!
ابو قنوه ….مساء الخير يا استاذ شايفك مش على بعضك اليوم !!!
والله يابو قنوه اللي اشوفك واشوف قنوتك ماينسر باله او خاطره !!!!
أبو قنوه له …له …. يا استاذ شايفك حامل علي اليوم !!!!
وين رايح يامسهل الامور اليوم شايفك على سفر !!!
أبو قنوه ههههههههههههه رايح على الجامعه اليوم والجو الجامعي يا استاذ !!!
من شان وشو رايح عالجامعه …..!!
بدي ادرس واتعلم …..ياهملالي يابو قنوه يا هملالي ….!!!!
طيب ولويش ما خذ القنوه معاك انت رايح تتعلم ولا رايح تحارب …..!!!!
أبو قنوه …الاثنين مع بعض !!!!
ليش هي الجامعه ساحة حرب يابو قنوه …..!!!
أه والله يا أستاذ الجامعه ميدان للصراع والعنتريات والهوشات….!!!
أف ….أف يابو قنوه الجامعه للعلم والتعلم والرقي والتطور تصقل شخصية الطالب …!!!
ابو قنوه ….فكنا من سوالفك الجامعه للهوشات والعشائريه والتحزب والطوشات …!!!
يا استاذ ….يا استاذ انت بتسولف عن زمان اول اللي تحول الله يرحم لمن كانت الجامعه جامعه وميدان للثقافه والعلم والتقدم ….!!!
الان الجامعه يا استاذ ميدان لهز القني والبلطجه والزعرنه من اجل النشميات ..!!!
الله يخرب بيتك يابوقنوه هذا انت طلعت متخلف على الاخير من جماعة داحس والغبرا !!!
ابو قنوه ….اي ماهي جيناتنا ممزوجه بالجهل يا استاذ هي وقفت علي …!!!
ولا بدك اشوف الغلط واسكت يا استاذ !!!
وشو الغلط فهمني يابو قنوه …….!!!
لما بنت حارتي او عشيرتي بتمشي مع شب او بتسولف معاه بدي أصلخه بهالقنوه على نص راسه !!!
بعدين يااستاذ لو تشوف كيف بتصير الهوشات بالجامعه ليشيب راسك ….!!!
كيف يابو قنوه بتصير الهوشات بين طلاب العلم …..!!
بتجمعوا الشلل وتحديدا ابناء العشيره الوحده حاملين العصي ….ويالله عليهم عليهم بدنا نكسر رجليهم ….!!!
ولك يابو قنوه هذا مثل ايام الغزو سابقا قبل الدوله ياخراب البيت هيك صار العلم وصروحه !!!!
أبو قنوه أسوأ واطقع …..وانا بدي اجرب قنوتي على راسك اشوفها بترن ولا لا ..!!!
الله يخرب بيتك يابو قنوه سطحت راسي… !!!
ابو قنوه …..عليهم عليهم عليهم من شان عيون النشميات عليهم …!!!
الكاتب والشاعر نايف السليم
nayef_alslayem@yahoo.com
