حرامية ماليبا
الأول : كيفك ، يرجل شو هالخبر ، الله يرحمه ويصبر أهله
ما تحملت أكمل معه دقيقه
الثاني : عال 7 الصبح توفى أبوه ، الله يكون بعونه
الأول : الله يلعن الغربه شو بتذل وبتبعدنا عن أهالينا
الثاني : شو دخل الغربه ، بلدك الهامل ، لو فيه خير كان ما طلعت انت وغيرك وخصوصاً معك شهادة وخبره وخلافو
الأول : وحد الله يرجل ، الوضع عالكل ، شو دخل البلد
الثاني : لا مش عالكل ، بس يكون في خير ببلدك والحيتان الكبيره تسرقه وتنهبه وتتوارث فيه ، مش الوضع عالكل ، بس يلبسوا البِدَل ويمضّوها خِطابات رنانه ويحطوا من هالضرايب في رِفعة البَلد وسَرقة جيبة المواطن ، مش الوضع عالكل
الأول : يا رجل أُحمد ربك إلي أُمك أو أُختك بتطلع من البيت ما حدا بسترجي يحكي معها ، منته شايف شو صاير بالدنيا
الثاني : حق أمي وأختي وغيرهن يطلعن ويتمتعن بالأمن واحب عالبلد لأنه أخوي وأخوك وغيرهم إلي بحموا البلد ، مش جماعة البِدل ، وبضحكوا عليهم ب 400 و 300 ليره ماليبيه ، لا حد يحمّلك جميله يحبيبي
الأول : يخوي ما حدا حكالك سافر ، أُقعد ببلدك وإلي بصير عغيرك بصير عليك
الثاني : صحيح ، مهو الشعب براسه الي بستاهل ، بس يختاروا فلان وعلتان بصحن حلو وصدر لحم يمثّلوهم ، بس تكبر الأسماك وتوكل البلد ، وما نلاقي أكل وقتها قول لا تسافر
الأول : يرجل ما في موارد ، من وين نجيبلك
الثاني : صحيح ، سرقوا الفوسفات والبوتاس والمنغنيز الماليبي ، شفطوا المطارات والأراضي الزراعيه وباعوها ، أي وسيله للسرقه ما بوفروها ، شو بدي أعد لا أعد
الأول : خليها لربك ، وربنا يحفظ ماليبا والشعب الماليبي
الثاني : آمين
الأول : بلحق الدفن
الثاني : لأ ، ما فيه طيارات ، الحزن في القلب ، الله يعينه
الأول : الله المستعان
