عين الحر ميزان

عين الحر ميزان
وليد عليمات

#قديما كان في قريتنا معلم #طوبار كان لما يبني الطوب ما يستخدم الميزان ولا #الخيط ولا #القدة عشان يوازن البناء ..
يسالوه ليش يا ابو فلان …. كان يجاوب (عين الحر ميزان )
.
طبعا يطلع شكل الحيط .. زي حظي .. (الجبل الروسي)
.
مرة ما زبطت معه عقدة السقف ..عمل عقدة ثانية فوقيها ….
مرة كان يبني غرفة نسي يعمل ابواب وشبابيك .. وضل يلف طوب لحد ما سكر على حاله جواتها …
ولساته مستمر في نظرية (عين الحر ميزان)
بدون #استراتيجية .. بدون #تخطيط .. #بدون معرفة .. بدون #ادوات .. بدون #خبرة .. بدون #رقابة ..
.
المشكلة مش هون … المشكلة ضلت الناس تجيبه يعمرلهم .. . ويقع ب #نفس_الأخطاء
.
الان هو #ختير واعتزل #المعمار .. ولكن لما تقعد معه .. يحكيلك عن فنون المعمار .. وعن #بطولات_البناء .. وكيف كان يعدل للمهندسين شغلهم ….ويحاضر عن الوطنية والأمانة والخطط الاستراتيجية .واذا بشد حيله شوي ممكن يألف كتاب ويسميه (سمفونية الطوب في ادارة الشعوب )
.
أبو فلان ممكن يحتاجوك في الميدان .. انت خبرة
.
#وليد_عليمات

الوسوم
اظهر المزيد

اترك رداً

زر الذهاب إلى الأعلى
إغلاق