ابو قنوه ……والغذاء الفاسد !!! / نايف السليم

ابو قنوه ……والغذاء الفاسد !!!
ابو قنوه ……صباح الخير أستاذي ههههه كيف حالك ان شاء الله امورك طيبه ….!!!
وشو ماله أبو قنوه اليوم قلبه رطب وحنين علي ….الله يكفينا شر هاليوم !!!
أكيد فيه وراه سالفه ابو قنوه …..!!!
سولف يابوقنوه بدون مقدمات ……شو فيه عندك !!!!
ابو قنوه …..لا ولا اشيئ ..شو مالك يارجل متقلع مني وبتحكي معي من روس مناخيرك كأنك حاملني على راسك …..!!!!
ابو قنوه …..الله الله هذا الاستاذ ما هو متحاكي اليوم …..ولا خايف من قنوتي استاذ أستاذ بطسك بهالقنوه هواة بسطح راسك لا تفكرني قطروز عندك زي هالعالم اللي فوق الموظف فيه قطروز عند التاجر والفاسد لانه برش له علف …..ها ها دير بالك انا ابو قنوه على ركبه او نص !!!!!
هي هي ابو قنوه مولع ماهو مزبوط شو الحكايه يا جماعه ……!!!!
أبو قنوه هات من الاخر او خش عالموضوع ابو قنوه مش فاضيلك براسي مئة دوايه او دوايه ….!!!!!
ابو قنوه دوايه او دوايه ….ايش فيه استاذ فيه عند اشي فيه حدى مزعلك لا صلخه بهالقنوه …..!!!
بس والله يا استاذ اللي محيرني قديش بحرقوا غذاء او دواء فاسد ببلدنا ….!!!
اي يا زلمه صرنا مكب نفايات العالم او حاويته شو الحكايه …..!!!
فهمني يا استاذ ….كيف بتمر كل هالبلاوي على الناس المساكين ببلدنا …!!!!
يا استاذ اطنان بتلفوا كل يوم …..!!!!
ابو قنوه احنا مش اسمنا العالم المتخلف النامي …..!!!!
ابو قنوه أه صحيح والله انسيت هالحكي …..طيب شو يعني متخلف او نامي يعني بسممونا وبيذبحونا حريقين هالوالدين …..!!!
فيه الف حرامي او حرامي ومعدوم الظمير مابهمه الا جيبه او كيف ينهب …..!!!!
ابو قنوه …..طيب او مؤسسة الغذاء والدواء …!!!!
مالهم يازلمه الله اعينهم …..والله محاولات عديده لا يغيرو المدير بس لغاية الان صامد الزلمه !!!!!
هما حصنا المنيع ومع ذلك بفوت علينا بلاوي زرقاء …..ومصبره !!!!
ابو قنوه …..اخ يابطني ….اخ يا بطني انا اكلت اليوم مرتديلا …..لا يروح انها فاسده !!!!
قريت التاريخ تاريخ الانتهاء عليها يابو قنوه !!!!
أبو قنوه ة…..اي تاريخ الانتهاء والتصنيع صاروا ازوره يا استاذ ولا بدك معدومي الظمير يتلفوا البضاعه المنتهيه مدتها ويخسروا ملايين الدنانير لويش معدتي او معدتك موجوده !!!!
ابو قنوه صاير يفهم اليوم اكيد شارب حبة مفهوميه منتهيه ومتفاعله معه او قاعد بخربط بالحكي !!!!
ابو قنوه …..استرنا الله يستر عليك هاليوم لا تودينا بداهيه !!!!
أبو قنوه …….هههههههههههههه بطلت بطلت هو اني كفرت يازلمه …..!!!!
اخخخخ اخ يا راسي الله لا يجبر خاطرك يابوقنوه هو انت مش لاقي غير راسي لقنوتك ….!!!!
الكاتب والشاعر نايف السليم
Nayef_alslayem@yahoo.com

الوسوم
اظهر المزيد

اترك رداً

زر الذهاب إلى الأعلى
إغلاق