#الانتخابات في بريطانيا غييييير
على فكرة الانتخابات هناك غير عنا
بيجي ابو ميخائيل من لندن بعد غياب ٣٠ سنة عن قريته 🏡
وبيتجمع عنده الاهل والاقارب وشيوخ العشائر وبيضغطوا عليه لحتى يترشح لمجلس النواب ” ثقيلين الدم ” هوه والله ما بده اياها ولا مفكر فيها بس شو بده يعمل ضغطوه يا جماعة الخير
المهم بيعلن ترشحة على الفيس وبتبلش التعليقات
#فالك_البيرق
#كلنا_فزعتك
#ابشرررررر_بالفزعة
#قدها_والله_ابو_مخائيل
#مبروك_من_الان
وبعدين ببلش التجهيز للعرس الوطني
وبتروح لجنة المؤازره وبيتفقوا مع مطعم ومع محل حلويات ومحل تأجير كراسي
وبكون فيه واحد نص ازعر هاض مهمتة انه يتفق مع الباصات والسيارات على شان يخططو عليهم بعبارات رنانه مثل #معك_على_الموت و #كل_الدعم
وغيرها كل هاض بعشرين دينار بالايام العادية بس يوم الانتخابات لا بيوخذ اكثر حسب عدد النقلات يلي بجيبهم عشان يصوتو بدناش ننسى القارمات واللوحوات والصور لانه الناس عندهم بتحب المظاهر
الخيمة هناك فندق خمس نجوم
#اكل #شرب #نام
بس اهم شي عندهم شغلة غريبة عجيبة البريطان عادي جدا تلاقي واحد بخيمة ابو ميخائيل الصبح والمسا تلاقية بخيمة ابو جورج لانه كنافة ابو جورج من السهل الاخضر وكنافة ابو مخائيل من عند العفوري ومبرومه كمان مش صحون
الاهم من هاض كله كل ما مرشح يفوت على ديوان بقوم شيخ العشيرة بقول ابشر كل الدعم اني والي بمون عليهم بس اهم شي بدنا زفته للشارع وبدنا لمبتين قدام الدار وتوظف كم واحد بالجيش
على شان هيك عمرهم ما رح تشوفهم متقدمين وطول عمرهم رح يظلوا تبع بما انهم هيك بفكروا رح يظلوا يرجعوا لورى
#هبايل_بتعلموش_من_الماضي
#شوف_احنا_وين_صرنا_وهمه_وين_بعدهم
#بقدمي
#مؤيد_ملحم
