يا صــفـــوق يخـسا البايـقـيـن
يا صفوق دَنِّق أحتشيلك تشِلِمتين
هالحين ما هو وقت الونَس ولا صيد الحباري
يا صفوق يد الغدر و الفِكِر الشين
طَعنَت الوطن و الصدر عاري
يا صفوق هظول واحد مِن اثنين
مأزوم حاقــد أو ما هــو بــداري
قتل البريّين و الله ما هو مِن الدين
و ينكرَه القرآن و صحيح البخاري
اللي يذبح السايح و الناس المساكين
ترى باع دينه بتراب المصاري
رجال الأمن و الجيش بالعــيــن
و هُم عيون الوطن على كل ضاري
باعوا ارواحهم فدا الوطن هالحين
يوم الشدايد تلــقـــاهم صواري
بالكرك ضحّـــوا بكل ثميـــن
و ما هابوا الموت يا طيب داري
أجدادهم ابن رواحة و جعفر ذو الجناحين
و زيد بن حارثة شهـــدا المزار
ما هانوا بمؤتة يوم التقى الجيشين
رجال كانوا و فيهم فخــاري
يا صفوق إسلامنا و دينّا زين
دين رحمة و حب و حسن جوارِ
يا صفوق إسلامنا وصل الصين
لَمَّا العقل و العدل كان ساري
يا صفوق إسلامنا دين مو بتين
تلاقيله بايعٍ يوم و شــــاري
يا صفوق إسلامنا سماحة و لين
مو ذبِح و تفجير و انتحــارِ
اللي ذبحوا رجالنا بالكرك باغين
خانوا الوطن و الدين بوضح النهارِ
خَسوا يكونوا أحفاد صلاح الدين
و لا المقداد و القعقاع و الغفاري
ذول أولاد أبو رغال و الشياطين
و عبد الله بن السلول شيخ الشنار
هظول يا صفوق مو بردنـيّـين
و لا مِسلمين و لا بشر تداري
يا صفوق الوطن بيت المحبّين
ما نقبَل مِن اللي يخونه اعتذار
يا صــفـــوق يخـسا كل البايـقـيـن
الرب واحد و بيَدَّه وحده لَعـمـار
شهدانا يا صفوق في عِلِّـيّــيـن
و ذبيحهم يصلى جحـيمٍ و نارِ