شروط سيرين والحكومة
سيرين عبد النور تصرّح ” مئة شرط لمن يرغب الزواج مني ” ، قرأت الشروط بتمعّن وللأمانه بآءت محاولتي للارتباط بها بالفشل ، فقد حققتُ تسعاً وتسعينَ شرطاً الّا أنّ ” سيارتي مش مجنّطه ” فهذا أحد شروط سيرين .
سيرين تريد زوجاً” عندة مخافة الله ويساعدها بشغل البيت ، يكون اله بيت مستقل عن أهله وفيه بحوش الدار شجرة مشمش وحوض نعنع ، حنون وكريم وخلوق ، عيونه زرق وشعراته مثل دم الغزال من الجامع للدار وما يكون اله علاقات كثير ، بعرف يركب اسطوانة الغاز ، يحترم انها فنانة والها معجبين ، عنده غنم كونها بتحب تشرب حليب بلدي الصبحيات ”
شروط سيرين عبد النور منطقيّه وتشبه الى حد ما شروط عبدالله نسور للمواطنين لكي ترضى الحكومة عن الشعب ” بدي ياكم عاقلين ، المصاري مش كل شي اهم شي الصحة ، المديونية ولا ابن مره يجيب سيرتها ، بديش اشوف حد مكشر اضحكو يا شعب ، هاي النواب اللي بتطلعوهم ولا بلاش هيك بدي ياكم ، ما فيه حد بموت من الجوع ردو علي ، الفاسدين بحبوكم وشرفي فما تقسو قلوبكم عليهم ، اذا بسمع انه حد بيحكي عن بطالة ومحسوبية ووظايف وقضايا فساد بزعل عليه “.
لمن تتوافى فية الشروط لأن يكون مواطن ” راضية عليه الحكومه ” فليبعث بالسيرة الذايته لمبنى رئاسة الوزراء مبيناً فيها خبرتهُ من الوجع والألم والبطالة ، ومن يجد في نفسهِ ” عريس قد حاله لسيرين عبد النور يجنّط سيارته ويروح هو وامه على بيتها بشارع الشانزليزية بجانب توزيعات ابو هاني للأدوات المنزلية ”
