تخطيط وتعاون دولي
الأول: يا اخي مش عارف شو اللي موجود عند هالوزرا
ومش موجود عنّا؟!
الثاني: بدهاش سؤال! عندهم ال connections!
الاول: معقول بس هيك؟!
الثاني: ها وشو لعاد؟! يا زلمة اغلبهم بشتغلوش بمجالاتهم وثلثينهم لو يطلعوا عالقطاع الخاص بموتوا من الجوع! بدك تقنعني انها مسألة خبرات وشهادات ومهارات والشخص المناسب ومن وهالحكي الفاضي؟!
الاول: والله كلامك في منه. يا ترى لو عندي الكونكشنز هاي، ممكن اصير وزير بيوم الأيام؟!
الثاني: اكيد!
الأول: بس وزير شو يا ترى؟!
الثاني: بتعرف تحكي انجليزي؟
الاول: بلبل!
الثاني: بتعرف البنك الدولي وصندوق النقد الدولي؟
الاول: طبعا يا رجل… هذول المؤسستين اللي كلهم بعلقوا خيبتهم عليهن.
الثاني: عندك اصحاب أجانب على فيسبوك وتويتر؟
الاول: كثيييييير.
الثاني: إذن ما الك غير “التخطيط والتعاون الدولي”.
