#الحرامي و #جراحة_المناظير
د. حسام_العودات
من مميزات جراحة المناظير مثل عملية #استئصال #الزائدة أو المرارة أو أورام القولون ، هو سرعة عودة المريض لحياته الطبيعية
طيب ليش السرعة بعودتنا للحياة الطبيعية إذا كان نص الشباب بلا شغل ، أو متقاعدين لا شغلة ولا عمله ؟
يعني المريض يعمل العملية ، وحتى لو رجع لحياته الطبيعية بعد اسبوع أو شهر شو المشكلة ؟
عادي جدا
هذا الحكي بهم الألماني والياباني ، وبهم الناس اللي بهتموا بالوقت ، واللي بشتغلوا بالساعة ،
أمّا إحنا ، من مصلحتنا ما نرجع لوضعنا الطبيعي بسرعة بعد العمليات ، عشان اذا المريض موظف ، يوخذ إجازات أطول
طبعا نرجع للجد ، عمليات المناظير ثورة بعالم الجراحة ، وفوائدها كثيرة جدا ومن عدة نواحي ، لكن موضوع العودة لممارسة الحياة الطبيعية انسولنا إياه
وعلى سيرة العودة للعمل بسرعة ، واحد حرامي انكسرت رجله خلال سرقة بيت ، المهم ظله يزحف حتى لقى باص كيا للنقل غير القانوني ، وحكاله خذني عالمستشفى
دكتور الطوارىء صور رجله وعمله جبصين ، وكتبله دوا مسكن ، وكونه من جماعة أبقراط ، طمن المريض وحكاله : إن شاء الله خلال اسبوعين بتكون راجع لشغلك
ومع برد كانون ، لا تنسوا تغطوني بجاعد
