لما كنت صغير روحت مرة عالبيت ومعي 3 حبات دراق سألني أبوي من وين جبتهم ؟؟
ما قدرت اجاوب انه اتشعبطنا ع حيط الجيران واخذناهم من الشجرة ..لكن هو عرف ..
بعديها مسك #مطرق دفلى كانت امي #تنجد فيه اللحافات
..و بعديها (#مشهد_محذوف)
.
وبعد ما انكتبلي عمر جديد والحمد لله … وصار جسمي منجد جاهز ..
بطلت احب الدراق .. واصلا مش زاكي .. ولا عمري رح افكر انه اتشعبط ع حيط ..
.
.
ليش يابا لما كبرنا شفناهم ..هدوا الحيط .. وشلعوا الشجرة من شروشها .. واكلوا ثمرها وورقها وجذعها ..
.
ومافي حدا جابلهم مطرق الدفلى .. ونجد ظهورهم … وخيطهم .. ورفشهم عالأرض #يابا
.
#وليد_عليمات
