انت من طريق وانا من طريق
وصل الى المرعى متأخرا، فنأى بنفسه عن مكان وجود رفيقه زعل.
اقترب منه زعل ليستفسر عن سبب تجهمه وابتعاده عنه.
زعل: اقول يا مشاري!
(لم يجب مشاري)
زعل: اقول يا مشاري!
مشاري: لا تقول يا زعل! ترى ما ودّي اسمع هرجك!
زعل: علامك يا شين، وش بيك؟
مشاري: ما بيّْ شَيْ!
زعل: شلون عاد ما بيك شَيْ وانت قالب وجهك عنّي وما ودّك تقربني؟
مشاري: عوّاد النظوة! فارس الديرة وحاميها!
زعل: علامه عوّاد؟
مشاري: يدوِّر رجال الديرة اللي يسولفوا عن البوّاقين.
زعل: إخس! وانا اللي ظنيته يدوِّر البوّاقين اللي ينهبوا حلال الديرة!
مشاري: للّه ياخوي! البواقين يسرحوا ويمرحوا بالديرة على هواهم وعوّاد ما يستجري يطل بوجوههم!
زعل: وش الحل يا مشاري؟
مشاري: هالسالفة ما لها حل يا زعل، وانا عندي عيال. ‘انت من طريق وانا من طريق’!