قصة رمزية واقعها حقيقي
بمناسبة ألعام الجديد بحب احكي قصة عن المسؤولين بالاردن .
المشهد الاول :
كان فيه مسؤول مهم جدا في جهاز مهم جدا بالاردن وكان هذا المسؤول زي ام العروس عامل حاله مشغول محسسك انه حامل البلد على راسة لا برد على تلفون ولا مسج و اذا صحلك و رد على مسج صدفه بقلك والله اني مشغول كثير انا الي بخطط للبلد وانا الي بعمل كل شي بيدي لولاي البلد بتقع انا حامي الحدود ومثبت سعر صرف الدينار وانا الي بمنع التبخر من بحر العقبه وانا المسؤول عن علاقة صوبة الغاز مع الجره .
المشهد الثاني :
انته من عقلك بتصدقه وبتبعثله أفكار ومشاريع بتفيد البلد و مش بس هيك
بتصير تستنى المشاريع تبعك تلطلع للواقع وتغير حال البلد وتشغل عدد من الشباب .
المشهد الثالث :
الحبيب بطلع بلح وهوه بوأد وانته بوأد و عمره ما قدم ولا رح يقدم للبلد .
المشهد الرابع :
الحبيب بتقاعد ويقرر نقل خبراته للقطاع الخاص عشان يكمل خدمة الوطن بتعرف القطاع الخاص بأخذ اصحاب الخبرات والعقول .
المشهد الخامس :
الحبيب بفتح دكان بالحاره و بحط صورتة ايّام المسؤلية ورآه . مهوه بالأصل هذا المكان الطبيعي تبعه
وبس هذا المشروع الي بقدر يديره
لا مش بس هيك بصير يصلي بجامع ويلبس دشداش وشبشب بلاستيك .
المشهد السادس :
الوراق والمشاريع المسؤول الي ستلم بعده رماهم بزباله وصار يلم وراق بنفس ألطريقه .
