اول رحلة مدرسية
كنت بالصف الخامس وكان مربي الصف معلم من اربد معلم تاريخ قرر يوخذنا رحلة للغور كنت اشطر طالب بالتاريخ طلب مني اعمل كشف اسجل اسماء الطلاب وأجمع مبلغ 15 قرش من كل طالب تحمست للموضوع مع اني لن اكون ضمن الرحلة لعدم توفر المبلغ صرت اروح كل يوم ومعي مصاري الطلاب عرفت جدتي عن الرحلة وانها جايه ومعها 30 قرش قالت يا حده هضول المصاري للرحلة روح مع رفايقك وليلة السفر جدتي خبزت مردد وسلقت بيجي 20 بيضة وعبتلي طبسة تطلي عنب وربعية قلية وبطم حطتهن بمحفظة قماش
هيك صار معي 15 قرش مصروف وفي صباح يوم الرحلة سلمت المصاري للمعلم على عدد الطلاب قام المعلم حسبهم ودقق اسماء الطلاب ورجعلي 15 قرش قال انت لأنك جمعت المصاري بتروح مجانا ليكتمل الثراء ويصير معي 30 قرش وصلنا الغور ولم نكن في الأصل نعرفه تفاجئنا بالبرتقال والليمون والموز والشجر الكثيف والجو الحار جدا فكان الفطور في مزرعة حمضيات جاد علينا مالكها بالكثير من البرتقال والليمون والمنديلنا مما حملنا منه لبيوتنا كان الغور مُلك المزارعين قبل ان يكون اقطاعيات لزيد وعبيد واعوانهم واللصوص الذين سرقو فرح طفولتنا ومستقبل احفادنا وفي المساء رجعت ومعي المحفظة مليانه برتقال وليمون لجدتي
هناك على رزة البير جدي ينحب ع طول صوته
ماتت جدتي
