# اقعد يا ولد
اقعد يا ولد
ترى انا فلاح من اربد
و نسايبي حسنية مفرقاوية
واخوالي من العقبة
واولاد عمي فلسطينية
اقعد يا ولد
الزرقاء ومعان والطفيلة ديرتي
والبلقاء والسلط اهل الحمية
وعجلون وجرش وعمان مسكني
والكرك اهل الكرم والسخية
اقعد يا ولد
انا شمالي جنوبي وشرقي وغربي
واعشق الصحراء والبادية
و كل الاراضي الاردنية
اقعد يا ولد
الفيصلي زعيم والوحدات مارد
وكلها بالأول و بالآخر
منتخبات اردنية
اقعد يا ولد
سيبك من التعصب والتعنصر
وخلي عينك عالبلد
وقلبك املاه بالوطنية
اقعد يا ولد
انت مو شايف شو صار بالبلد
العراق وسوريا نار شاعلة
كله بسبة العنصرية و الطائفية
اقعد يا ولد
وخلينا نفكر كيف نعمر هالبلد
ايد بايد وحجر فوق حجر
والوطن يعمر بهمة وبعزيمة أردنية
اقعد يا ولد
لا ضاع الوطن حنضيع انا وانت
وما رح نلقى وطن بديل
احنا سمك ووطنا البحر والمية
