دافع عن #جوعك
وليد عليمات
في اثنين هبايل ماشيين بالشارع مع بعض .. واحد قال للثاني يلعن ابو #جوعك
الثاني حكاله : فشرت يلعن ابو جوعك انت ؟
.
الأول فشرت انت … انا عشيرتي جوعانين اولاد جواعين
الثاني : تخسى .. احنا اللي كنا اهل الجوع والجوعانين
تهاوشوا … هذا فزع قرايبه … وهذا فزع قرايبه …
.
هظول بيضربوا حجار ويحكو احنا جوعنا اكبر … وهظول يطخو ويحكو جوعنا اكبر ..
.
في واحد تاجر سكاكين .بده #يربح .. ينادي ( سكانين سكاكين ﻻولاد الجوعانين ) .
هظول اشتروا .. وهظول اشتروا …
.
تطاعنوا .. تضاربوا … سال دمهم عالشارع …
.
مو مشكلة المهم تدافع عن #جوعك .. وما تسمح لحدا ثاني يكون جوعه اكبر من جوعك …
.
الناس لحمو بعض … الهبايل الاثنين رجعوا يمشوا مع بعض …
.
المختار نايم ….. التاجر يعد فلوسه … عشان يشتري دفعة سكاكين جديدة .. وعشان يبيع لازم #يفرقهم ….
.
.
#يلعن ابو جوعكو … رح تحرقوا البلد ..
.#عنصرية
#وليد_عليمات
