سواليف
سخر اردنيون من عدم وجود مايك في استدوديو برنامج يسعد صباحك والذي عرض صباح اليوم الجمعة
وفي الحادثة ان البرنامج استضاف الفنانة الأردنية زين عوض وعند ماتم الطلب منها تقديم فقرة غنائية طلبت “المايك” للغناء وسادت على الفور حالة ارتباك وهرج ومرج في استوديو التلفزيون بسبب عدم وجود المايك وعدم التحضير له
وسخر ناشطون بعدة تغريدات مرفقين فيديو يبين حالة الإرباك التي رافقت عملية البحث عن المايك المفقود
وكان من بعد التقليقات المنشورة على الموضوع:
على من وجد مايك الاتصال على برنامج يسعد صباحك أو تسليمه إلى أقرب مركز أمني وله CD يضم كل حلقات فوائد عشبتي الميرمية و الفيجل التي بثها التلفزيون الأردني..
فيما كتب الناشط عمر زوربا
مطلوب مايك عدد ١ لأستوديو يسعد صباحك للضروره ،
يا اخوان بس سلكونا فيه لأغنية صغيره وبنرجعو 😞
يعني نروح ندق عالتلفزيونات الي جنبنا نقولهم بتسلم عليكم امي وبتقولكم اعطونا مايك بس لأغنية ، وبس يجي ابوي ويجيب مصاري بنرجعو 😞
يا اخوان مين خبى المايك؟ سيبونا من المزح هسا احنا عالهوى ، يلا طلعوه بسرعه 😡
لانو احنا عاملين لقاء مع مطربه ، فما اتوقعنا انها تغني ، مشان هيك فاجأتنا وطلبت مايك 😂
طب يا عمي حطو فاصل حطو اعلان ، طب حطولنا مقطع من ابو عواد ، حطو اي اشي ، طب اطفو الكاميرا ، طب حدا يقطع الكهربا عن الاستوديو ، حدا يعمل اشي ، طب رشو مي وملح ، طب بخرو الاستوديو ، طب باي
ملاحظه :
مشان ما نظلمهم
بعد الفاصل جابولها مايك ، بس مش شغال 😂
ئييي اعطونا مايك ، اعطوونا الطفوله ، اعطونا ، اعطونا ، فضحتونا
#مطلوب_مايك
#عمر_زوربا
وكتب آخر
#عاجل و #فوري
نداء لاصحاب الخير والأيادي البيضاء
التلفزيون الأردني بحاجة لمايك على الفور
الحسنة بعشرة امثالها والله يضاعف لمن يشاء
شاهد الفيديو
وين بتروح ضريبة الدينار على فاتورة الكهرباء ؟
الشغله خربانه
انا إلي محيرني وجالطني تلفزيون اضرب واطرح ما عنده ميكروفون كل حقه 20 دينار يعني ما في عندهم معدات ولا إش القصة والضريبة إلي بوخذوها وعتبك على إلي بفتح على القناه أصلاً