ولا في المنام

أبو كركوب ينادي:
– أم كركوب … وينك يا كركوبتي؟
– عونك يا ابو كركوب… هاظا آني جاية!!
– تعالي …. بسرعة تعالي اسمعي !!
– احكي بسرعة … عساه خير؟؟
– الأسعار …. الأسعار يا كركوبتي!!
– مالها ارتفعت كمان مرة ؟؟
– لا لا لا نزلت عالا خير … لأنه انخفض سعر النفط في العالم.
– كيف …..انخفضت الأسعار….معقول؟؟
–  صدقيني بتفوتي ع المطعم بتشبعي لحمه بنص نيرة!
– غريب!
– البنزين صار ببلاش …!
– يعني بتصف ع الكازية وبتعبي وبتروح بدون حساب ؟؟
– ايوه … ايوه، وكمان فيه سحب آخر الشهر على ارقام دخول الكازية!
– ياللة يالله يا كركوبي خلينا نعبي السيارة بنزين ونوخذ الأولاد ع أحسن مطعم!
– استني يا ام عطا استني شوي!
– شو استنى؟؟؟بلاش يبطّلوا ويرجع كل شي زي ما كان قوم يا زلمة؟؟
– استني شوي …. حتى اكمّل لك بقية الحلم اللي حلمته!!!!!!!!!!!!!