سواليف – رصد
اعتذر 4 من الحكام الأردنيين عن التحكيم في مباراة كرة القدم بين منتخبي كوريا الشمالية وماليزيا، والمقامة في العاصمة الكورية الشمالية بيونغ يانغ.
وبحسب المعلومات فإن الإعتذار جاء بسبب التوتر السائد بين كوريا الشمالية ودولا أخرى الامر الذي أدى الى عدم سفر الحكام ادهم مخادمة، واحمد مؤنس، وعيسى عماوي، واحمد فيصل.
الأردنيون تناولةا الموقف بشكل ساخر على أن الرئيس الكوري الشمالي كم جونغ أون سيغضب من الاردنيين بسبب موقف الحكام .
وتاليا بعض التعليقات التي رصدتها سواليف
* يمكن ينسى أمريكا ويبلش فينتا .والله يا يونج الغالي .لا تحطنا براسك احنا اذا بيجينا منخفض جوي بتلاقيش رخيف خبز بالبلد إنسانا يرحم امواتك
* ونغ …هبه زلمه…انته اصلا مش فاضي للرياضه والحكي الفاضي انت وراك حرب مع امريكا انت حاط عقلك بعقل فطبول …ويا حبيبي كمان حكام أردنيين …يزم احنا الاردن ترتيبنا ١٥٠ عالميا يعني ما عندنا رياضه ولا نعرفها وهضول الحكام الله وكيلك كل واحد منهم ماسك صفيره ويركضوا ورى العجب والعجيان بالحارات…مغير خيوه يا يونغ بونغ فكك من هالسولافه وخليك باميركا…انا اصلا سمعت انه ترامب يغلط عليك روح ابلش بيه…بعرضك فكك منا
* والله انا مستغرب من هالحكام كيف بفكرو يعني فرصة العمر وضاعت علينا
يعني شو فيها لو رحت انت واياه وحسبتلك اكم ضربة جزاء لكوريا الشماليه
شو فيها لو طردتلك لاعبين او ثلاث من الفريق المنافس
شو فيها لو كل هجمات الفريق المنافس كانت تسلل
يعني كان بيدنا نكيف ويرضى عنا كيم جونق ونصلح الي انكسر بس للاسف الفرصه ضاعت من وراك يا مخادمه
* يعني خايفيين على ارواحكم الاردنيين ما احنا عايشيين من قلة الموت خليكم كأنها حرب وزياده والله بالأردن لا أسواق ولا ليرات والمخابز ازمه دايما من كثر النواشف
* جاهك بالله قبل اي شي تعال خذلك لفه بالاردن وشوف حالنا وبعدين قرر
* ياالله يمدانا نلزق الشبابيك ..
يا خوف يرميله صاروخ فتيشه
يضيعنا…
والحكام ليش ما راحوا وريحونا…
* يونج انت زلمه عاقل خلي العقل منك اصلا الشعب الأردني يحبك بس هذا الحكم المصري الله لا يسامحه هو يلي بده يعمل فتنه بينا
* هو نحنا بنقدر ع زعلك يا كيم
الكشرة مو لابقيتلك ، تعودنا ع ضحكتك .
* لا اتخافو من الرئيس الشمالي لان عمرو ما سمع عن اشي اسمه الاردن و مش ببالو من اساسو ومحدش يردد السيره لا عن جد بصير يعرفنا ونوقع بمشكله .
* لا يا شباب احنا ما لنا دخل فيهم .
لكن اعذروا الحكام اذا انغلبت كوريا شو بدو يضمن لنا عوده حكامنا
* يستر على عرظكم لا تزعلوه منا … هاظ مجننون رسمي … بمحينا محي … يا عمي انا بروح احكم المباراة وبغاوز معاهم
* يونج محضر كل الاسلحه للحرب لو الله يهديه يوخذ لواء من الفساد والفاسدين الي بالاردن واعمل تمرين بالذخيره الحيه وتعطينا رأيك بعد التمرين
* والله انتو مش مخلينها تمضي على مع الرجل هذا ..حارقنا حارقنا ..خليه يساوي اللي بده اياه نخلص من الحياة
* خلينا نجيبلو درع الاتحاد هدية
* بالله عليكو تمزحوش معاه هذا الصاروخ عندو مثل فتيش العيد
* بدنا نجيب جاهة لابو الكيم عشان ما يزعل منا لانو منروح بشربة مي
* اسمع صديقي الي اتحركش بيك هذا الملقي احنا ملناش دخل بعرض اختك
