هذه الصورة تجتاح مواقع التواصل وتثير الغضب والسخط

سواليف – رصد – فادية مقدادي

اجتاحت #صورة قام بتصميمها الباحث الاقتصادي المتخصص في شؤون #النفط والطاقة المهندس عامر #الشوبكي ، مواقع التواصل الاجتماعي ، وذلك بعد أن قامت #الحكومة السبت برفع #أسعار #المشتقات #النفطية للمرة السادسة خلال العام الحالي.

الصورة المتداولة قارنت بين #أسعار #البنزين في عام 2012 عندما كان سعر #برميل النفط عالميا في شهر آذار 2012 120 دولارا ، وبلغ سعر تنكة البنزين اوكتان90 وقتها 12.40 دينارا .

بينما في شهر آب 2021 وحسب تسعيرة المحروقات الجديدة فإن سعر برميل النفط عالميا 75 دولارا ، وبلغ سعر تنكة البنزين 16.60 دينارا أردنيا .

وسادت حالة من #السخط والغضب الشعبي بعد انتشار الصورة ومعرفة حجم #الغبن الذي يتعرض له #المواطن الاردني بسبب ارتفاع أسعار البنزين الكبير مقارنة بالرواتب والمدخولات المنخفضة للمواطن الأردني .

وتاليا بعض التعليقات التي رصدها موقع سواليف :

ما في اشي منطقي بالأردن !المنطق الوحيد هو أنه :كان الشعب مصدر السلطات.صار …الشعب مصدر ثروات المسؤولين والمتنفذين 

من وين بدهم يركبو سيارات و يسكنو قصور و يسافرو و يشمو هوا ؟!!!

بنشتريه ولا كيف بوصل .. المشكلة والكارثة بالضرائب اللي هي الحل الامثل للحكومة , سعر البرميل يمكن بنقص بس الضرائب ثابتة وبتزيدي بشكل جنوني , مثل السيارة بكوريا كم حقها ؟ ويمكن احيانا بتقل تكلفتها وحقها بقل ببلد المنشأ ,, بس ضرائب الاستيراد والضرائب الثانية كارثة فعلية .. حكوماتنا ما الها حل غير رفع الاسعار ورفع الضريبة عكل اشي , انداري !!!

ما في اشي منطقي بالأردن !المنطق الوحيد هو أنه :كان الشعب مصدر السلطات.صار …الشعب مصدر ثروات المسؤولين والمتنفذين

كل مره يتكرر نفس السناريو رفع اسعار غضب وشتم عالفيس ثم نسيان ،
نواب …….. عظم الله اجركم
أحزاب…… شغل اجتماعات وصف حكي
وين النقابات المهنيه ولا ما تتحرك الا لمكاسب ومنافع
مؤسسات المجتمع المدني وين ولا تخصصهم إفساد الاسره والطعن بالعقائد.
أين الأدباء والكتاب ووجهاء العشائر والمخيمات
لا يصلح الناس فوضى لا سراة لهم
ولا سراة اذا جهالهم سادوا.

في ضريبة ثابته على كل لتر ٣٩ قرش يعني لو سعر البرميل وصل ٢٠ دولار المحروقات عنا غالية .. معلومه لازم نعرفها ايها الشعب العظيم

يعني بحسبة بسيطة لو فرضنا انو سعر سنة ٢٠١٢ بدون أرباح فإن مجمل عائدات النفط ٢،٣مكتوب عندك يا وديع هاد الرقم بالميزانية؟؟؟وللعلم ب ٢٠٠٨ وصل النفط ١٤٥ وما وصل سعر البنزين هيك

الحكومة عايشة على ظهرنا الشعب هو الي بصرف عليها وعلى الحرامية قال يا فرعون شو فرعنك قال مل لقيت شعب يقولي لا اللهم عليك بكل فاسد في هذه البلد للصبر حدود يا حكومة الجباية

برميل النفط الخام الواحد يحتوي على 159 لتر
44% منها بنزين يعني 70 لتر
19% منها سولار يعني 32 لتر
10% منها كاز يعني 15 لتر
الحسبه بسيطه سعر برميل النفط 50$ يعني 35 دينار مع العلم اننا نأخذ النفط بأسعار تفضيليه بس خلينا ع السعر العالمي نحسبها
70 * سعر لتر البنزين بالاردن 65. قرش = 50 دينار
32سعر لتر السولار بالاردن 45. قرش = 15 دينار 15 سعر لتر الكاز بالاردن 45. قرش = 7 دنانير
“طبعا البرميل ينتج مواد اخرى زي “الغاز والوقود الثقيل والزفته” وكله يتكرر وينباع احنا خلينا ع اكثر المواد اللي يكررورها”
تعالو نجمع النواتج طبعا بدون فراطه:
72= 7+15+50 دينار اردني
72 دينار ربح البرميل الواحد – 35 سعر شراء البرميل= 37 دينار
***يعني الحكومة تربح ع البرميل الواحد بحدود 37دينار اردني
الاردن يستهلك 130000 الف برميل يوميا
37دينار ربح البرميل الواحد * 130000 يساوي 481000 دينار ربح الحكومة اليومي من المحروقات يعني
144300000 مليون دينار أرباح الحكومه بالشهر الواحد من المحروقات
*** طبعا للتنويه هذا الناتح طلع معنا بعد التكاليف( نقل، أجور، اجور تكرير )لأنه حسبنا ع أسعار الحكومه اللي واصله للمواطن … اين الشفافيه في تسعير المحروقات هاي سرقه عينك عينك من جيب المواطن الغلبان حسبي الله ونعم الوكيل
سعر برميل النفط 35 دينار
يعني فل سيارتك يا مواطن اغلى من برميل النفط
هذا مثال

حقيقه الاردن بربح بالبترول اكثر من السعوديه والسيارات اكثر من اليابان

نفسي ومنى عيني اعرف كيف بسعروا البنزين لا العقل ولا الحساب ولا المنطق بستوعب رفع الاسعار شهريا حدا ياناس يفهمنا حل هالمعادلة واعجبي!!!!!!!