منشور غير مناسب للأعياد
هادم المنغصات
في #اليابان و #النرويج والخليج على سبيل المثال ، بصير نقول عن #الموت #هادم_اللذات
لإنه الناس هناك عايشين حياة مريحة وبلا منغصات ، ومرتاحين ماديا ونفسيا
والدول هاي بتدلل شعوبها ، وما عندها أسطوانة غاز مدعومة
فالموت عندهم عنجد هادم اللذات
لكن النشمي عندنا اللي انسلق وانشوى من الحم ، ومن الطفر ، ومن المنغصات ، ما بتفرق معه اذا مات أو عاش
بالعكس ، عند ربنا الأمور أحسن من الدنيا وما فيها
بالعيد لازم ندعي للي سبقونا الى الدار الآخرة بالرحمة ، لكن صدقوني إنه اللي بنبكى عليه هو اللي عايش على هامش الحياة
العمر غالي أكيد ، بس الموت كمان هادم لفواتير المكيفات
وزي ما بقول يوسف غيشان :
كل عام وأنتم على قيد الحياة
