من ملفات باب الحاره
خالد العلاونة
(بتفتح بفتح)
ابو جودااات
خير خير نمس ليش ضايج؟
ابو جودت… ما حلك تعرف مين النمش؟
شو باك أُلي
شو لعلاك الفاضي اللي داير تحكيه عني ؟
انا ما حكيت شي
شدئتك .. يعني كل الناش كزابه وانت بش الشادء
ها .. ها .. ما كان أصدي احكي عليك
اشمع ابو جودت ..مش تفكر حالك رئيش كركون اشي كتير .. بخليك تمشي بالشارع تحاكي حالك
نمس .. انا ما بتهدد ..انا ابو جودت رئيس مخفر اربع حارات لا تخليني افضحك
تفضح مين ياشاطر ؟
افضحك انت
وعلى شو تفضحني يا رئيش مخفر الأربع حارات ؟
على كل شي .. كل شي .. السرءات يااللي سرئتا والنصبات يااللي نصبتا
إلتلي ..الشرآت والنشبات ..ايه شاوي يااللي بدك ياه خلينا نشوف شو بطلع بايدك
بطلع بايدي لك نمس هلا بحمل درب طريئي وبوشي ع ابو حاتم بحارة الضبع وبفتح كل ملفاتك
ملفات شو دخلك ؟
عمايلك السودا يااللي انا تسترت عليها وما جبت سيرتا
وليش تشترت عيها وما جبت شيرتها دخلك ؟
لانك رجال معتر وعلى باب الله وانا ما حبيت درك
يعني كان ألبك علي … طيب شو عدى ما بدى وبلشت تحكي علي شروي غروي
ولاه نمس .. انا ابو جودت ولاه … لا تخليني افتح عليك طائه من جهنم وافتح كل ملفاتك
شو عليه … انت بتفتح وانا بفتح ملفاتك الشودا
شو يعني ؟
يعني دافنينه شوى ابو جودت يا حكومه … بتفتح ..بفتح
