مناظرة بين نائب ووزير بجمهورية القوقاز / عبد العزيز الزطيمة

مناظرة بين نائب ووزير بجمهورية القوقاز
النائب مالكو ياحكومه فضحتوتنا وعزترتو علينا مشان تعين اكم واحد والله يها الحكومه ما معكو معروف ول صارنا احنا النواب أربع سنين بصيمه للحكومه والله ما ضل غير اجيبو نير وتحرثو علينا سكتنا على ارتفاع الأسعار سكتنا على ارتفاع المدينونيه سكتنا على التعيينات سكتنا على الفساد لعنا ابو الشعب واحنا نبصم للحكومه ما ضلناش قيمه عند الناس واحنا منقول للحكومه حاضر وما علينا غير البصم ومع كل هاض السكوت مشان 109 تعيينات من اولاد النواب فضحتوتنا اي هيه باقيه البلد مزرعه للحكومه لحالها ومحمد يرث ومحمد ما يرث اي والله بهدلتونا لكن بدكو الصيح يا حكومه والله امنستاهل أكثر من هيك لانا سكتنا على بيع الفوسفات وسكتنا على بيع المينا وسكتنا عل بيع الإتصالات وسكتنا على بيع رمز الوطن الأرضي القياده العامة للجيش وسكتنا على دمار الاقتصاد البلد وسكتنا على نهب أموال الشعب بالسوق المالي وأصبحت البلد جورعه واحنا داملين روسنا بالتراب مقابل اشي زهيد يااما طرد مالي يا اما سفرات للخارج والنتيجه مقدرات البلد ضاعت والفساد أصبح مشرع بقانون والفقر والبطالة زادت والبلد من سى إلى اسوأ وأصبح كل شئ محرم وممنوع مباح حتى العماله للصهاينة أصبحت دبلوماسية وشطاره وكل هاالعمايل واحنا امنبصم امنستاهل احنا النواب الله لا يردنا كله من أيدينا

الوزير الحمدلله انتو اعترفتو ياالنواب انه اسكوتكو كله بثمنه ونسيت انه اغلبكو ايجا بالتزوير واحنا الي نجحناه ونسيت انه الحكومه ساكته عليكو مهمه ثليثنيكو صاحب اسبقيات ومطلوبين للقضاء والحكومه الي غارشه عليكو احنا الحكومه امنرميلكو الفتات الي زياده عن حاجتنا انشاالله امفكرين حالكو نواب عن حق وحقيق والله لو فيه قانون انتخاب صح وفيه محاسبه وفيه عداله غير احنا وياكم نواب وحكومة بالسجن ماغير خلي الطابق مستور وكلنا طالعه ريحتنا وسواء نواب ولا حكومه جميعنا مفروض على الوطن والشعب ونحن اصلا فاقدين الاهليه واحترام الشعب ماغير كان احنا ولا انتو السكوت أفضل اشي للطرفين والله ايعين الشعب والوطن علينا افهمت
انتهت المقابله و الحوار

اظهر المزيد

اترك رداً

زر الذهاب إلى الأعلى