في بداية التعيين بالمناطق النائية عام ١٩٩٥ ، تأخر علي زميلي الطبيب البيطري ، وصار وقت أذان صلاة الجمعة ولسه ما وصل
قربت خطبة الجمعة تخلص لحتى أجا بالبكم تاع مديرية الزراعة
طلعت معه وعاتبته على التأخير
قلي : يا زلمه إنت لويش مستعجل ؟!!!!
أصلا صلاتنا مش رايح تكون مقبولة
سألته : ليش ؟
جاوبني : بتعرف إنه المسجد أجاه إمام جديد قبل أكم يوم ، وطلع الزلمة منقول عندنا نقل تأديبي ، بسبب غيابه عن كثير من الصلوات بالمسجد اللي كان مكلف بالخدمة فيه
تحياتي للدكتور نادر أبو الوليد
ويا الله قديش الدنيا تغيرت من هظاك الوقت لحد هسع ، أبشرك يا صديقي ، كل #الأردن بمقياس #الحضارة ، صارت منطقة نائية
