محمد عياش
من لما وعينا على الدنيا والعنصريات والتصرفات موجودة بملاعبنا ،واللوم يقع على الجميع، #الاتحاد و #الأندية والجمهور….!!
واكثر شيء يلام هو #الجمهور لانه ما حدا بجبرك تصير عنصري او متطرف وتسب وتشتم وتتشنج ضد الفريق الخصم…
ترى “العنصرية والتطرف والهمجية” شغلة اختيارية ومش جبرية ولا الاستعمار اله دخل فيها…انت وحدك اللي اخترت تصير هيك، وانت الوحيد الملام على كل اختياراتك السيئة وما حدا قالك تصير ألعوبة بإيد غيرك ويوجهوك مثل ما بدهم…خليك صاحي وواعي ولا تخلي مخك فاضي والكل بلعب فيه وبحشي فيه من الافكار مثل ما بده!!🤔
يا أخي شجع تابع افرح بالفوز ما حدا مانعك، ولكن بتعقل واعتدال وبدون ما تخرب وتشتم ولا تتعنصر ضد الخصم اللي بلعب ضد فريقك….لانه بالآخر بظله اخوك وابن عمك ونسيبك وجارك وشريكك بالبلد اللي انت واياه عايشين فيه وبتتقاسموا فيه لقمة العيش سواء….!!🤔
ولا تنسى يا اخوي إنه احنا عايشين بمركب واحد واذا غرق لا سمح الله الكل راح يغرق…. وما راح ساعتها تفرق بين شرقي ولا غربي ولا جنوبي ولا شمالي ولا بدوي ولا فلاح ..!
