لو كنت مكان رئيس الوزراء
وليد عليمات
بيسالني صديق .. لو كنت مكان رئيس الوزراء شو بتقدر تغير بالبلد ؟؟
.
اولا : لو سمحت لما تسال رئيس الوزراء .. بتحكيلي #دولتك
.
ثانيا :
رح ارفع اسعار كل اشي 100% ..
ورح افرض ضرايب جديدة ..
ورح نقتطع من الرواتب
رح اطفي الكهرباء بالشوارع .. ونقلل ساعات الانارة المنزلية ل 10 ساعات يوميا …
رح افرض ضرايب 100% على الاتصالات والانترنت
رح افرض رسوم على الطلبة في المدارس وازيد رسوم الجامعات ..
رح اوقف التوظيف
رح افرض ضريبة على ربات البيوت .
رح افرض رسوم على العلاج بمستشفيات الحكومة ..
رح نفرض ضريبة استهلاك على المتزوجين .. وضريبة تخزين للعزابية .. وضريبة عطل على المطلقين
.
.
كله عشان نسدد المديونية .. والله لأهريكم في سبيل المصلحة الوطنية ..
واخر شي .. رح اقوم بحظر التويتر والفيس بوك والواتساب عن البلد .. عشان ما تحكو علي وما تنشروا صور سياراتي وسيارات جماعتي . وسفراتنا .. وسهراتنا ..
.
.
مش لانه أنا هيك … لانه #احنا هيك .. ما دمنا قابلين وموافقين . وساكتين .. ومتآمرين … رح تجينا كل حكومة اسوأ من اللي قبلها
.
.
لو سمحتوا …اللي بدو يعلق … يكتبلي “دولتك” ..بلاش اعمل دخولية على البروفايل
.
#وليد_عليمات
